स्वास्थ्य

११ हजार ६१० वटा नमूनाको परीक्षण गर्दा ३१५ जनामा संक्रमण पुष्टि, काठमाडौं उपत्यकामा १२२ थपिए

• गाउँ सहर संवाददाता
• २१ मङ्सिर मंगलबार, २०७८ | १५:२६:०० मा प्रकाशित

काठमाडाैं । पछिल्लो २४ घण्टामा देशभर ३१५ जना कोभिड-१९ संक्रमित थपिएका छन् ।

११ हजार ६१० वटा नमूनाको परीक्षण गर्दा ३१५ जनामा संक्रमण पुष्टि भएको हो । त्यस्तै पछिल्लो २४ घण्टामा दुई जनाको मृत्यु भएको छ । योसँगै नेपालमा कोभिड संक्रमणका कारण मृत्यु हुनेको संख्या ११ हजार ५४५ पुगेको छ ।

त्यस्तै आज ३०४ जना संक्रमणमुक्त भएका छन् । नेपालमा हाल सक्रिय संक्रमितको संख्या ६ हजार ३५२ रहेको स्वास्थ्य तथा जनसंख्या मन्त्रालयले जनाएको छ । 

त्यसैगरि पछिल्लो २४ घण्टामा काठमाडौं उपत्यकामा १२२ जना कोभिड-१९ संक्रमित थपिएका छन् ।

आज काठमाडौंमा ८२ जना, भक्तपुरमा ९ जना र ललितपुरमा ३१ जना संक्रमित थपिएका हुन् । योसँगै काठमाडौंमा सक्रिय संक्रमितको संख्या एक हजार ६१७ पुगेको छ ।