राजनीति

१६ जिल्लाको अधिवेशन केन्द्रीय महाधिवेशनपछि मात्र हुने

• गाउँ सहर संवाददाता
• १६ मङ्सिर बिहीबार, २०७८ | १३:५०:०० मा प्रकाशित

काठमाडौँ । नेपाली कांग्रेसले १४ औँ महाधिवेशनअन्तर्गत १६ जिल्लाको अधिवेशन केन्द्रीय महाधिवेशनपछि हुने कांग्रेस निर्वाचन समितिले जानकारी दिएकाे छ । समितिका सचिव जगन्नाथ श्रेष्ठले बिहीबारदेखि सबै प्रदेशमा प्रदेश अधिवेशन सुरू हुने भएकाले अधिवेशन हुन बाँकी जिल्लाको अधिवेशन केन्द्रीय महाधिवेशनपछि मात्रै गरिने बताएका हुन् ।

अहिले जिल्ला अधिवेशनका सबै कार्यक्रम स्थगित गरेका छौँ ।’ कांग्रेसले बिहीबार सबै प्रदेशको अधिवेशन सुरू गर्दैछ ।

निर्वाचन हुन बाँकी १६ जिल्लामा केन्द्रीय महाधिवेशनपछि निर्वाचन समितिले नयाँ कार्य तालिका सार्वजनिक गर्ने छ । सोहीअनुसार अधिवेशन हुनेसमेत उनले बताए ।

श्रेष्ठका अनुसार प्रदेश २ का आठ जिल्ला बारा, पर्सा, रौतहट, सर्लाही, महोत्तरी, धनुषा, सिरहा, सप्तरीसहित चितवन, कैलाली र बाँकेलगायत १६ जिल्लामा अधिवेशन हुन सकेको छैन । हालसम्म ६१ जिल्लामा जिल्ला अधिवेशन भइसकेको छ । केन्द्रीय महाधिवेशन भने मंसिर २४ गतेदेखि २७ गतेसम्म काठमाडौंमा हुँदैछ ।