गाउँ सहर

कोइलाखानीमा आगो लाग्दा ५२ जनाको ज्यान गयाे

• गाउँ सहर संवाददाता
• १० मङ्सिर शुक्रबार, २०७८ | ११:०५:०० मा प्रकाशित

एजेन्सी । कोइलाखानीमा आगो लाग्दा ५२ जनाको ज्यान गएकाे छ ।  साइबेरियाको एउटा कोइलाखानीमा आगो लाग्दा कम्तिमा ५२ जनाको मृत्यु भएको हाे । आगो लागेपछि खानीभित्रै केही हराइरहेका छन् ।  कोइलाको धुलोमा आगो लागेपछि खानीभित्र धुँवाको मुस्लोले ढाकेको थियो । धुँवाका कारण धेरै जना निसास्एिका थिए ।

खानीभित्र फँसेका सबै जनाको मृत्यु भएको हुन सक्ने रसियाली सञ्चार माध्यमहरुले जनाएका छन् । घाइते ४९ जनालाई उपचारका लागि अस्पताल लगिएको छ । चार जनाको अवस्था गम्भीर रहेको बताइएको छ । खानीभित्र ठूलो परिमाणमा मिथेन भएकोले जुनसुकै बेला बिस्फोट हुन सक्ने भन्दै उद्दार कार्य स्थगित गरिएको थियो । खानीबाट अझै पनि धुँवाको मुस्लो आइरहेको जनाइएको छ ।