दर्जनभन्दा बढी चिनियाँ कम्पनीलाइ अमेरिकाले राख्याे कालोसूचीमा
- गाउँ सहर संवाददाता
- ९ मङ्सिर बिहीबार, २०७८ | १३:५०:०० मा प्रकाशित
एजेन्सी । अमेरिकाले थप एक दर्जनभन्दा बढी चिनियाँ कम्पनीहरुलाई कालोसूचीमा राखेको छ । राष्ट्रिय सुरक्षा र विदेश नीतिलाई लिएर चासो देखिएकाले व्यापार गर्ने गरी थप चिनियाँ कम्पनीहरुलाई कालोसूचीमा राखिएको अमेरिकाले जनाएको छ ।
कालोसूचीमा राखिएका केही कम्पनीले चीनको सैनिकलाई ‘क्वान्टम कम्प्युटिङ प्रोग्राम’ बनाउनका लागि सहयोग गरेको अमेरिकी राष्ट्रपतिकी अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।
ताइवान, व्यापार, क्षेत्रीय संलग्नता, मानव अधिकार, कोरोना भाइरससहितका विषयलाई लिएर अमेरिका र चीनबीच तनाव बढ्दै गएका बेला पछिल्लो प्रतिबन्ध आएको हो ।
गत हप्ता अमेरिकी राष्ट्रपति जो बाइडेन र चिनियाँ राष्ट्रपति सी जिनपिङबीच भर्च्युअल वार्ता भएको थियो। सो वार्तामा व्यापारको विषयमा पनि चर्चा भएको थियो, तर त्यसले तनाव कम गर्ने पक्षमा कुनै ठोस प्रगति हासिल गर्न सकेन ।
अमेरिकाले चिनियाँ सैनिकलाई पछिल्लो पटक क्वान्टम कम्प्युटिङमा सहयोग गरेको भन्दै चीनका ८ प्रविधि कम्पनीलाई कालोसूचीमा राखेको हो । यस्तै १६ जना तथा चीन र पाकिस्तानबाट सञ्चालन भएका कम्पनीलाई पनि सूचीमा राखिएको अमेरिकाको वाणिज्य विभागले जनाएको छ ।
अहिले चीन, जापान, पाकिस्तान र सिंगापुरका २७ कम्पनी तथा व्यक्तिहरुलाई अमेरिकाले कालोसूचीमा राखेको हो ।
यस्तै मस्को इन्स्टिच्युट अफ फिजिक्स एण्ड टेक्नोलोजीलाई विभागले सैनिक प्रयोजनका लागि प्रयोग नगर्ने सूचीमा राखेको छ। अमेरिकाले सन् २०१९ मा चिनियाँ टेलिकम कम्पनी हुवावेलाई कालोसूचीमा राखेको थियो।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- संकल्पकाे भारी : पाँचदलीय गठबन्धनले ल्यायाे यस्ताे साझा संकल्प (पूर्णपाठसहित)
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
प्रतिकृया दिनुहोस