खेल

वाई वाई यु–१९ गण्डकी प्रदेश छनौट क्रिकेटमा कास्की ५४ रनले विजयी

पोखरा । प्रदेश क्रिकेट संघ गण्डकीको  आयोजनामा पोखरा रंगशालामा सम्पन्न वाई वाई यु–१९ गण्डकी प्रदेश छनौंट क्रिकेट प्रतियोगिताको अन्तिम खेलमा कास्की विजयी भएको छ ।

शनिबार पोखरा रंगशलामा भएको खेलमा कास्कीले तनहुँमाथि ५४ रनको जित निकालेको हो ।

टस जितेर व्याटिङ्ग गरेको कास्कीले पुरा ४० ओभर खेल्दै ९ विकेटको क्षतिमा १ सय ६४ रन बनाएको थियो । प्रत्युक्तरमा तनहुँले २९.३ ओभरमा सम्पूर्ण विकेट गुमाउँदै १ सय १० रन मात्रै बनाउन सक्यो ।

कास्कीको व्याटिङ्गमा अर्जुन कुमालले ४९, अभिषेक थापाले ४० रन बनाए । तनहुँका बलर विनोद नेपालीले २२ रन खर्चिएर ४ विकेट लिएका थिए । कास्कीका बलर सुवास भण्डारीले कसिलो बलिङ्ग गर्दै १९ रन खर्चिएर महत्पूर्ण ५ विकेट लिएपछि तनुहँको पारी १ सय १० रनमा समेटिएको हो । तनुहँको तर्फबाट विनोद नेपालीले १८ रन जोडे । खेलमा कास्कीका सुवास भण्डारी म्यान अफ द म्याच भए । प्रतियोगिताभर कूल १० विकेट लिएका उनी सर्वोत्कृष्ट बलर सहित म्यान अफ द सिरिज पनि चुनिए । त्यस्तै प्रतियोगिता भर १ सय ३७ रन बनाएका स्याङजाका मिलन क्षेत्री उत्कृष्ट व्याट्स्म्यान भए ।

विजयी खेलाडीहरुलाई समापन समारोहका प्रमुख अतिथि पोखरा महानगरपालिका वडा नम्बर ३ का वडाध्यक्ष रबिन्द्रबहादुर प्रजु, ग्राण्ड हिमालय क्रिकेट एकेडेमीका अध्यक्ष सुदिप सर्मा लगायतले पुरस्कार वितरण गरे । सो अवसरमा अफिसियल मिडियाका  गिता राना तथा प्रतियोगिताका सहयोगी बविन कुँवरलाई सम्मान गरिएको थियो ।

गाउँ सहर संवाददाता

तपाईँको मत