स्वास्थ्य

पछिल्लो समय कोरोनाबाट अमेरिकामा धेरैले ज्यान गुमाए, गम्भीर बिरामी अब ०.४ प्रतिशत

काठमाडौँ । विश्वमा कोरोनाले २५ करोड ५६ लाख बढी संक्रमित हुँदा रोग जित्ने २३ करोड १० लाख माथि पुगेको छ । तर ५१ लाख ३७ हजार ४९९ जनाले भने ज्यान गुमाएका छन् ।

वर्ल्डोमिटर्स डट इन्फोकोरोनाभाइरसका अनुसार सक्रिय १ करोड ९४ लाख ७१ हजार ३९८ संक्रमितमध्ये ७८ हजार ७२० को अवस्था एकदमै गम्भीर छ । जुन ०.४ प्रतिशत हो ।

यो समाचार तयार पार्दासम्म पछिल्लो २४ घण्टामा विश्वभर सात हजार ५६७ को निधन भइसकेको छ । पाँच लाख ६६ हजार ६५ नयाँ सक्रमित थपिएका छन् भने चार लाख ५३ हजार ३०३ जना निको भएका छन् ।

तथ्याँकनुसार मृत्यु प्रति दशलाखमा ६५९.१ प्रतिशत रहेको छ ।

नेपालमा पछिल्लो २४ घण्टामा देशभर ४१२ जनामा कोरोनाभाइरस संक्रमण पुष्टि भएको छ । कुल ११ हजार ९९३ जनामा भएको परीक्षणमा ४१२ जनामा संक्रमण पुष्टि भएको हो । यस्तै पछिल्लो २४ घण्टामा २०२ जना कोरोनाभाइरस संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको छ ।

यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख १८ हजार ३५ जना पुगेको छ भने एन्टिजेन विधिबाट भएको परीक्षणमा ९५ हजार २२३ जना पुगेको छ । संक्रमितमध्ये हालसम्म ७ लाख ९८ हजार ९१६ पुगेको छ ।

मन्त्रालयका अनुसार पछिल्लो २४ घण्टामा थप एक जना संक्रमितको मुत्यु भएको छ भने यससँगै मृतकको कुल संख्या ११ हजार ४८३ जना पुगेको छ  हाल देशभर सक्रिय संक्रमित ७ हजार ६३६ जना रहेका छन् ।

गाउँ सहर संवाददाता

तपाईँको मत