स्वास्थ्य

कोरोना जित्ने ९७.७ प्रतिशत, २४ घण्टामा ३७७ जना नयाँ थपिए, तीन जिल्लामा शुन्य संक्रमण

• गाउँ सहर संवाददाता
• ३० कार्तिक मंगलबार, २०७८ | १६:२९:०० मा प्रकाशित

काठमाडौँ । नेपालमा पछिल्लो २४ घण्टामा थप चार जनाको कोरोनाका कारण मृत्यु भएको छ । योसहित कुल मृतकको संख्या ११ हजार ४८२ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा नौ हजार १४९ जनाको परीक्षण गरिएकोमा नयाँ ३७७ संक्रमित थपिएका छन् भने निको हुने १७० छन् ।

पछिल्लो २४ घण्टामा ७९ हजार ५६९ जनाले खोप प्राप्त गरेसंगै पूर्ण खोप लगाउनेको कुल संख्या ७६ लाख २४ हजार ३८ पुगेको मन्त्रालयले बताएको छ ।

उसका अनुसार क्वारेन्टाइनमा रहनेको संख्या ९८ छ भने देशमा सक्रिय संक्रमितको संख्या सात हजार ४७६ छ । यस्तै १८.१ प्रतिशत संक्रमण दर र प्रति दशलामा मृत्यु ३७८ रहेको छ ।

काठमाडौँ र भक्तपुर ५०० बढी संक्रमित जिल्ला हुन भने २०० कम संक्रमित रहेका १० जिल्ला रहेका छन् । तर मनाङ, हुम्ला र डोल्पा शुन्य संक्रमित जिल्ला भएका छन् ।