पोखरामा वाई-वाई यु–१९ गण्डकी प्रदेश क्षेत्रीय छनौट क्रिकेट प्रतियोगिता शुरु
- गाउँ सहर संवाददाता
- २९ कार्तिक सोमबार, २०७८ | २१:५०:०० मा प्रकाशित
कास्की । वाई वाई यु–१९, गण्डकी प्रदेश क्षेत्रिय छनौट क्रिकेट प्रतियोगिता आइतबारदेखि पोखरा रंगशालामा शुरु भएको छ । प्रतियोगिताको उद्घाटन खेलमा कास्कीले स्याङ्गजामाथि ३ विकेटको जित निकालेको छ । टस जितेर ब्याटिङ्ग गरेको स्याङ्गजा ले ३८ ओभरमा सम्पूर्ण विकेट गुमाउँदै १ सय ३२ रन जोडेको थियो । स्याँँग्जाका विष्णु पाण्डेले ३० तथा सुजन गौतमले १९ रनको पारी खेले । कास्कीका बलरहरु अभिषेक थापा र किरण पौडेलले ३÷३ विकेट लिए । त्यस्तै सुवास भण्डारीले २ तथा देव शाह र प्रमोद बाँस्तोलाले १-१ विकेट लिन सफल भए ।
जितका लागि १ सय ३३ रनको लक्ष्य पछ्याएको कास्कीले ३० ओभरमा ७ विकेट गुमाएर जित हाँसिल ग¥यो । कास्कीको तर्फबाट म्यान अफ द म्याच अर्जुन कुमालले ७० बलमा ६९ रनको महत्वपूर्ण योगदान दिए । उनको पारीमा ११ चौका सामिल थियो । त्यस्तै सुवास भण्डारीले १५ रन जोडे । स्याँग्जाको वलिङ्गमा संदिप खत्रीले ३, करण पंगेनीले २ तथा टिकाराम गौतम र तुल्सीराम भण्डारीले १÷१ विकेट लिए ।
यसअघि व्याटिङ्ग गरेर प्रतियोगिताको उद्घाटन गर्दै भौतिक पूर्वाधार, शहरी विकास तथा यातायात व्यवस्था मन्त्री कुमार खड्काले नेपालले छोटो समयमै क्रिकेट खेलमा अन्र्तराष्ट्रिय सफलता हाँसिल गरेको भन्दै अन्य खेलको तुलनामा क्रिकेट खेलमै बढी सम्भावना देखिएको बताए ।
उद्घाटन समारोहमा बोल्दै प्रदेश खेलकुद परिषद् गण्डकीका सदस्य सचिव तेज गुरुङ्गले क्रिकेट खेलले अन्र्तराष्ट्रिय जगतमा राष्ट्रिय गरिमा बढाएको भन्दै यसको विकासका लागि पूर्वाधारमा जोड दिनुपर्ने बताए । कास्की जिल्ला क्रिकेट संघका अध्यक्ष सञ्जयकान्त सिग्देलले सञ्चालन गरेको कार्यक्रममा नेपाल क्रिकेट संघका सदस्य ऋषिराम गौतम, क्षेत्रिय खेलकुद विकास समितिका कार्यालय प्रमुख लक्ष्मण योगी लगायतको उपस्थिती रहेको थियो । राउण्ड रोविनको आधारमा छ दिन सम्म चल्ने प्रतियोगितामा कास्की, तनुहँ, नवलपुर र स्याङ्गजा गरी चार टिमले भाग लिएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
प्रतिकृया दिनुहोस