ओखलढुंगामा जिप दुर्घटना हुँदा तीन जनाकाे मृत्यु, १३ जना घाइते

गाउँ सहर

काठमाडाैं । ओखलढुंगामा जिप दुर्घटना भएकाे छ । दुर्घटनामा तीन जनाको मृत्यु भएको छ ।

सुनकोशी गाउँपालिका ९ काँडेभञ्याङ नजिकै आज बिहान ७:३० बजेतिर जिप दुर्घटनामा परेको हो ।

जिल्ला प्रहरी कार्यालय ओखलढुंगाका प्रहरी नायब उपरीक्षक गोविन्दराज काफ्लेका अनुसार जिप दुर्घटनामा परी ३ जनाको घटनास्थलमै मृत्यु भएको छ ।

दुर्घटनामा १३ जना घाइते छन् ।

‘घाइतेमध्ये चार जनाको अवस्था गम्भीर छ । हेलिकप्टर मगाएका छौं,’ उनले भने। घाइतेहरूलाई काठमाडौं ल्याउने तयारी छ ।

प्रदेश ३-१०२२-च९६९४ नम्बरको जिप दुर्घटनामा परेको प्रहरी जनाएकाे छ ।

दुर्घटनामा परेका घाइतेहरूको प्रहरीले उद्धार गरिसकेको छ । मृतकहरूको खनाखत भइसकेको छैन ।