स्वास्थ्य

काेराेना संक्रमण दर १८.२ प्रतिशत, मृत्यु प्रति दश लाखमा ३७७.२, थप ६ जनाकाे निधन

• गाउँ सहर संवाददाता
• २४ कार्तिक बुधबार, २०७८ | १५:५१:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा थप ६ जना संक्रमितको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ११ हजार ४६० पुगेको छ ।

पछिल्लो २४ घण्टामा ६ हजार ८१४ को परीक्षण हुँदा ४४० संक्रमित थपिएका छन् । मन्त्रालयका अनुसार निको हुनेको संख्या गत २४ घण्टामा ४७४ छ ।

देशभरका क्वारेन्टाइनमा रहनेको संख्या ९९ छ ।

देशमा सक्रिय संक्रमितको संख्या सात हजार ५१९ रहेको छ ।

अहिलेसम्म पूर्ण खोप खोप लगाउनेको संख्या ७४ लाख ८२ हजार १९५ छ । पछिल्लो समय १६ हजार ५२९ जनाले खोप लगाएका छन् ।

मन्त्रालयका अनुसार संक्रमण दर १८.२ प्रतिशत र मृत्यु प्रति दश लाखमा ३७७.२ रहेको छ ।

मन्त्रालयका अनुसार अहिले ५०० भन्दा बढी संक्रमित रहेका जिल्लाहरु २ छन् भने २०० माथि संक्रमित रहेका ९ जिल्लाहरु छन् ।

तर मुगु र हुम्ला शुन्य संक्रमित रहेका जिल्ला बनेका छन् ।