शिक्षा

फ्रि भर्चुअल एण्ड हाइब्रिड एजुकेशन फेयर सम्पन्न

• गाउँ सहर संवाददाता
• ७ कार्तिक आइतबार, २०७८ | २०:४३:०० मा प्रकाशित

काठमाडाैँ । उच्च शिक्षा हासिल गर्न बेलायत जान चाहने विद्यार्थीहरुलाई लक्षित गरी एडभोएले काठमाडौँको एभरेष्ट होटल र चितवनको दी फर्न रेजीडेन्सिमा एकै साथ फ्रि भर्चुअल एण्ड हाइब्रिड एजुकेशन फेयर सम्पन्न गरेको छ । एडभोएले युकेमा रहेकका ३० भन्दा बढी बिश्वबिद्यालयका प्रतिनिधिसँग कार्यक्रममा उपस्थित रहेका

विद्यार्थीहरुलाई प्रत्यक्ष रुपमा युकेमा विद्यार्थीहरुले पढ्ने विषय, योग्यता, अवसर र उनीहरुले त्यहाँ रहँदा गर्नुपर्ने कामहरुको बारेमा जानकारी दिएको थियो ।

काठमाडाैँको एभरेष्ट होटल र चितनवको फर्न रेजिडेन्सिमा गरी फ्रि भर्चुअल एण्ड हाइब्रिड एजुकेशन फेयरमा प्रत्यक्ष र भर्चुयल गरी करिब एक हजार विद्यार्थीहरुलाई परामर्श प्रदान गरिएको थियो । उक्त कार्यक्रममा पहिलो सत्रमा वेबिनार तथा दोस्रो सत्रमा विद्यार्थीहरुलाई ईन्टरनेटका माध्यमबाट युकेका विभिन्न विश्वविद्यालयसँग जोड्ने काम गरिएको एडभोएका प्रबन्ध निर्देशक फिलिप डिसीले जानकारी गराए ।

डिसीले एडभोए एउटा डिजिटल प्लेटफर्म भएको जानकारी दिँदै विद्यार्थीहरुले घरमै बसेर पनि ल्यापटप वा मोबाइल्को माध्यमबाट युकेमा रहेका हजारौँ कोर्सहरु र सयौँ विश्वविद्यालयहरुमा निवेदन दिन सकिने जानकारी गराए ।

सो कार्यक्रममा विद्यार्थीहरुले फ्रि भर्चुअल एण्ड हाइब्रिड एजुकेशन फेयरमा सहभागी भएर आफूले स्टडी इन युकेका बारेमा एकै ठाउँबाट सम्पूर्ण जानकारी प्राप्त गराइदिएकोमा एडभोए लाई धन्यवाद दिएका थिए ।