स्वास्थ्य

शुन्य संक्रमित मुगु र मुस्ताङ, थपिए नयाँ ६६२, १३ जनाको दुखद निधन

• गाउँ सहर संवाददाता
• ३ कार्तिक बुधबार, २०७८ | १६:३५:०० मा प्रकाशित

काठमाडौँ । कोरोनाभाइरसका कारण पछिल्लो २४ घण्टामा १३ जनाको मृत्यु भएको छ । यो सहित कुल मृतकको संख्या ११ हजार ३१८ पुगेको छ ।

स्वास्थ्य तथा जनसंख्या मन्त्रालयका अनुसार ८ हजार ४२६ जनाको परीक्षण गर्दा नयाँ ६६२ संक्रमित थपिएका छन् । 

मन्त्रालयका अनुसार पछिल्लो २४ घण्टामा निको हुने ७५८ छन् । योसहित कुल निको हुनेको संख्या ७ लाख ८४ हजार १५५ पुगेको छ ।

देशमा सक्रिय संक्रमितको संख्या ११ हजार ५७९ छ ।

पूर्ण खोप लगाउनेको संख्या ६४ लाख ८९ हजार ८२८ पुगेको छ । पछिल्लो दिन ९ हजार ८०२ जनाले खोप लगाएका छन् ।

मन्त्रालयका अनुसार संक्रमण दर १८.६ प्रतिशत रहेको छ ।

अहिले ५६ जिल्लामा सय कम संक्रमित, ५०० मुनि १५ र ५०० बढी संक्रमित हुने जिल्ला ४ रहेका छन् ।

मुगु र मुस्ताङ शुन्य संक्रमित जिल्ला भएका छन् ।

दशैंपछि नयाँ संक्रमणकाे गति बढ्न थालेकाे छ ।