पाँच डाली कोपिला
- श्रीकृष्ण शर्मा पोखरा
- २५ असोज सोमबार, २०७८ | ०९:१५:०० मा प्रकाशित
पाँच डाली कोपिला
डाली १
कोपिला १
मुटुभित्रै बसेर खायौ
भन्न त शाकाहारी भन्यौ तर
यो मनभित्रै पसेर खायौ
कोपिला २
कदमको छायाले
म घर छोड्नै सक्दिनँ कि
प्यारीको मायाले
कोपिला ३
अचेल मेरो तीज हरायो
संस्कृतिका नाममा विकृति बढेर
खोल मात्रै छ बीज हरायो
कोपिला ४
सबै जेलभित्र रैछन् यार
ममात्रै हो क्या हो बाहिर भएको
तीज नमान्ने हैछन् यार
कोपिला ५
उदास यो चेहेरामा पसेन
घरको छेउबाट तीज गएको देखेँ
म गरिबको डेरामा पसेन ।
डाली २
कोपिला १
जरै देखि पखाल्नु पर्छ बरिलै
रजोवती हुँदा स्पर्श भएका ती पापलाई
पञ्चमीपूजाले दोष टर्छ बरिलै
कोपिला २
दोबिल्लाको पहिरो पर्छ बरिलै
माइत जान पाइनँ बाटो मेरो थुनियो
आँखाबाट आँसु भेल झर्छ बरिलै
कोपिला ३
सप्तऋषि पूजाले शुद्ध बरिलै
मनको मैलो पखाली तन हल्का भएको
वचनले बन्ने हो बुद्ध बरिलै
कोपिला ४
बाँचे अर्काे सालमा आउँछु बरिलै
आयोआयो भन्दाभन्दै गैसकेछ तीज नि
चरी जेलमा भनेर गाउँछु बरिलै
कोपिला ५
डाली ३
कोपिला १
बाढी र पैह्रोले बाटै थुनियो आमा
तिम्रो सम्झनाले मुटु खाइरहन्छ किन
एकैपल्ट भेट्न पाए हुनी हो आमा ।
कोपिला २
सधैँ यही कुराले त गारो हुन्छ
माइतको भनेपछि त यति माया लाग्ने
जाबो यौटा कुकुर पनि प्यारो हुन्छ ।
कोपिला ३
तीज आउँदा माइतै जाने हतारो लाग्छ
मन उडेर पुगिसक्छ तन यहीँ भएर के गर्नू
बाटाभर ती राता सारीको धारो लाग्छ
कोपिला ४
दर भनी मासुबियर खाइन्छ अचेल
संस्कृतिभन्दा पनि विकृति मान्ने जमाना यो
स्याम्पेन खोलेर जिउ नुहाइन्छ अचेल
कोपिला ५
तिम्रो मन कसरी थामी हौली आमा
छोरीलाई बाढीले बगायो खबर नभन्दिनू है
आँखा छोपी फोटो छामी हौली आमा
डाली ४
कोपिला १
कोरोना लहर छायो बरिलै
भेट्न मन लाको छ साथीसँगिनीलाई
तीजको रौनक आयो बरिलै
कोपिला २
नौ डाँडा पारि छ माइतीको देश
फाटिदे बादलु म हेर्छु मेरो जन्मघर त्यो
कालीको वारि छ माइतीको देश
कोपिला ३
नाच्ने हो छमछमी रातो सारीमा
तीजको भाकामा यो बारुले कम्मर भाँची
कहिले आँगनी कैले बारीमा
कोपिला ४
आमाले दिएको दर खानी हो
ओठको हाँसोले आँखाको आँसु छोपेर
कसरी पराईको घर खानी हो
कोपिला ५
आमाले मूल बाटो हेरेकी होलिन्
थाहै छैन भेट होला कि नहोला मेरी आमा
मनभरि मायाले केरेकी होलिन्
डाली ५
पात : ४+४+५=१३ मुना ४+४+४+४=१६
कोपिला १
तीज पनि आइसक्यो घर बरिलै
माली गाईले गोठ राम्रो चेली हुँदा तीज राम्रो
के खानी हो दिदीबैनी दर बरिलै
कोपिला २
कोरोनाले गर्दा छैन रहर बरिलै
न सोचेको न सम्झेको केके हुन्छ डर लाग्छ
बाढीपैह्रो झनै दिन्छ कहर बरिलै
कोपिला ३
सौभाग्यले भेट भयौँ आज बरिलै
वर्ष दिनको तीज पनि डरैडरमा जाने हो कि
कम्मर मर्काई नाचौँ केको लाज बरिलै
कोपिला ४
बाबाजीको आँगनीमा लेउ बरिलै
एकै मुठी परानको चिन्ता धेरै हुने रैछ
डर लाग्छ जान पनि छेउ बरिलै
कोपिला ५
पोहोर सँगै ऐले के पो भयो बरिलै
कर्कलाको पातमाथि पानी जस्तो जीवन हाम्रो
भन्छन् डल्ली कोरोनाले लयो बरिलै
प्राप्त प्रतिक्रिया
तपाईँको मत
.png)
प्रतिकृया दिनुहोस