आजकाे संसद बैठकमा यस्ता छन् सम्भावित कार्यसूची, पारित हाेला त विनियोजन विधेयक ?
- गाउँ सहर संवाददाता
- ४ असोज सोमबार, २०७८ | ०७:२५:०० मा प्रकाशित
काठमाडाैं । सोमवार बिहान ११ बजे बस्ने प्रतिनिधिसभाकाे बैठकमा विनियोजन विधेयक अन्तरगत सम्पूर्ण शीर्षकमाथि छलफल गर्ने सम्भावित कार्यसूची छ ।
आजको सम्भावित कार्यसूचीमा अर्थमन्त्री जनार्दन शर्माले विनियोजन विधेयक पारित गरियोस् भन्ने प्रस्ताव राख्ने उल्लेख छ ।
प्रमुख प्रतिपक्षी दल नेकपा एमालेको विरोधका बावजुद सरकारले सोमवार प्रतिनिधि सभाबाट विनियोजन विधेयक पारित गर्ने तयारी गरेको छ ।
छलफल पछि आज नै विनियोजन विधेयक पारित गर्ने तयारी छ । एमालेको नाराबाजीका बावजुद सरकारले भदौ २७ गते संसदमा प्रतिस्थापन विधेयक मार्फत बजेट संशोधन गरेको थियो ।
विनियोजन विधेयक पारित भएपनि आर्थिक विधेयक र राष्ट्र ऋण उठाउने विधेयक पारित गर्न समय लाग्ने भएकोले समग्र बजेट पारित हुन भने केही दिन लाग्नेछ । प्रतिनिधि सभाबाट पारित भएको विधेयक राष्ट्रिय सभामा पठाएर त्यहाँबाट पनि पारित हुनुपर्छ ।
बजेट पारित हुन नसक्दा भदौ ३० गतेदेखि मुलुकमा ‘बजेट होलिडे’ चलिरहेको छ । असोज १० गतेभित्रमा बजेटसँग सम्बन्धित विधेयकहरु पारित गरेर ‘बजेट होलिडे’ अन्त्य गर्ने सत्तापक्षको तयारी छ ।
माधव नेपाल लगायत १४ जना सांसदमाथि पार्टीले गरेको कार्वाही सदर गरेर उनीहरु पदमुक्त भएको सूचना टाँस्न माग गर्दै एमालेले भदौ २३ गतेदेखि संसदमा निरन्तर अवरोध र नाराबाजी गर्दै आएको छ ।
सत्तारुढ गठबन्धनका दलहरुले भने आज बजेट निर्णयार्थ प्रस्तुत गर्ने तयारी रहेकाले सबै सांसदलाई उपस्थित हुन ह्वीप जारी गरेका छन् ।
.jpg)
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- पोखरामाथि सुदूरपश्चिमको जित
- तीन महिनामै व्यापार घाटा साढे ५ खर्ब नजिक, ३५ प्रतिशतले वृद्धि
- तीन पटक बत्ती जाँदाको एक दृश्य
- एनपीएल खेलमा आज सुदूरपश्चिम र पोखराबीच प्रतिस्पर्धा हुँदै
- मौसम पूर्वानुमान: डरलाग्दाे चक्रवात ‘अर्नब’ कहिले भित्रिदैछ नेपालमा ?
- लेखनाथ जेसिजको जेसिज सप्ताह–२०२६, विभिन्न कार्यक्रम हुँदै
- भारी हिमपातको जोखिम : कात्तिक १२ देखि १४ गतेसम्म पदयात्रा नगर्न आग्रह
- चितवनको विजयी सुरुवात, विराटनगरको हार
- नेप्से सूचक झिनो अंकले उकालाे, कारोबार रकम साढे ५ अर्ब माथि
- मौलिक संस्कृति संरक्षणको सन्देशसहित ‘गाउँघरै घमाइलो’ सार्वजनिक
प्राप्त प्रतिक्रिया
तपाईँको मत
.png)
प्रतिकृया दिनुहोस