वातावरण

साताका अधिकांश दिनहरूमा सामान्य देखि पूर्ण बदली, केहि स्थानमा मेघगर्जन/चट्याङ्ग र केहिमा हिमपातसम्म

• गाउँ सहर संवाददाता
• २४ भदौ बिहीबार, २०७८ | २१:३७:०० मा प्रकाशित

काठमाडाैँ । जल तथा माैसम विज्ञान विभाग माैसम पूर्वानुमान महाशाखाले बिहीबार माैसमी अनुमान जारी गर्दै आगामी साता अधिकांश दिनहरूमा बदली हुने बताएकाे छ । उसका अनुसार केहि स्थानमा मेघगर्जन/चट्याङ्ग र हिमाली भूभागमा हिमपातकाे सम्भावना रहेकाे समेत बताएकाे छ ।

साताको मौसम सारांश:

१.      साताका अधिकांश दिनहरूमा सामान्य देखि पूर्ण बदली रहने सम्भावना ।

२.      हिमाली भू-भागका केहि स्थानहरुमा हल्का देखि मध्यम वर्षा/हिमपातको सम्भावना ।

३.      पहाडी तथा तराई भूभागका धेरै स्थानहरुमा हल्का देखि मध्यम वर्षाको सम्भावना ।

४.      प्रदेश नं १ को तराई भूभाग र प्रदेश २ मा साताको मध्यतिर एक वा दुई स्थानमा भारी वर्षाको सम्भावना ।

५.      बागमती, गण्डकी, लुम्बिनी, कर्णाली र सुदूरपश्चिम प्रदेशका पहाडी तथा तराई भूभागमा साताको अन्त्यमा भारी वर्षाको सम्भावना ।

६.      देशका धेरैजसो स्थानमा न्युनतम तापक्रममा उल्लेखनीय परिपवर्तन नहुने र अधिकतम तापक्रम हल्का घट्ने सम्भावना ।

७.      देशका पहाडी तथा तराई भुभागका केहि स्थानमा मेघगर्जन/चट्याङ्गको सम्भावना ।