स्वास्थ्य

कोरोना संक्रमितमध्ये ५६८ सघन र १६० जनाको भेन्टिलेटरमा उपचार हुँदै, थप १६ जनाको मृत्यु

• गाउँ सहर संवाददाता
• १४ भदौ सोमबार, २०७८ | १६:४५:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा १६ जनाको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या १० हजार ७३० पुगेको छ ।

पछिल्लो २४ घण्टामा १६ हजार २३३ को परीक्षण हुँदा २ हजार २९५ संक्रमित थपिएका छन् ।

आजसम्म जम्मा ३९ लाख ६ हजार २९ पिसिआर र ४ लाख ६५ हजार ८४० जनाको एन्टिजेन परीक्षण भएको छ । जसमा ७ लाख ६१ हजार १२४ पिसिआरबाट संक्रमण पुष्टि भएका छन् भने एन्टिजेनबाट ८३ हजार ३६४ पुष्टि भएका छन् ।

अहिलेसम्मका संक्रमितमध्ये ५६८ सघन र १६० जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ८०८ छ । योसहित कुल निको हुनेको संख्या ७ लाख १४ हजार ५२० पुगेको छ ।

देशभरका क्वारेन्टाइनमा रहनेको संख्या ३३८ र होम आइसोलेशनमा रहेको संख्या ३३ हजार ३३३ छ भने संस्थागत आइसोलेशनमा रहेको संख्या २ हजार ५४१ छ ।

देशमा सक्रिय संक्रमितको संख्या ३५ हजार ८७४ रहेको छ ।

अहिलेसम्म पूर्ण खोप प्राप्त गर्नेको संख्या ४३ लाख ९६ हजार ४०२ पुगेको मन्त्रालयले जनाएको छ ।

उमेर समूहको आधारमा अझैपनि २१ देखि ६० वर्ष उमेर समूहमा संक्रमण बढी छ ।

मन्त्रालयका अनुसार संक्रमण दर १९.५ प्रतिशत र मृत्यु प्रति दश लाखमा ३६१.६ रहेको छ ।