स्वास्थ्य

पछिल्लाे २४ घण्टामा काठमाडौ उपत्यकामै ३० प्रतिशत संक्रमित थपिए

• गाउँ सहर संवाददाता
• ९ भदौ बुधबार, २०७८ | १७:०६:०० मा प्रकाशित

काठमाडाैं । पछिल्लो २४ घन्टामा देशभर थप २ हजार ४८२ जनामा कोरोना संक्रमण पुष्टि भएको छ ।

जसमध्ये काठमाडौँ उपत्यकामा मात्रै ७४५ जना कोरोना संक्रमित थपिएका छन् । जुन ३० कुल संक्रमित संख्याकाे ३० प्रतिशत हाे । 

स्वास्थ्य मन्त्रालयका अनुसार काठमाडौँमा ५१५, भक्तपुरमा १४२ र ललितपुरमा ८८ जना संक्रमित थपिएका हुन् ।

यस्तै थप ४४ जना कोरोना संक्रमितको मृत्यु भएको छ । यसमा पछिल्लो २४ घण्टामा मृत्यु भएका र केही दिनअघि नेपाली सेनाले शव व्यवस्थापन गरेको संख्या समेत जोडिएको स्वास्थ्य मन्त्रालयले जनाएको छ ।

बुधबार १ हजार ७८१ जना संक्रमणमुक्त भएका छन् । हाल देशभर ३८ हजार २८७ जना सक्रिय संक्रमित रहेको स्वास्थ्य मन्त्रालयले जनाएको छ ।