राजनीति

कांग्रेसका जिल्ला सभापतिहरुको अनसनमा ऐक्यबद्धता जनाउन पुगे पौडेल समूहका नेताहरू

• गाउँ सहर संवाददाता
• ९ भदौ बुधबार, २०७८ | १६:५३:०० मा प्रकाशित

काठमाडाैं । कांग्रेस वरिष्ठ नेता रामचन्द्र पौडेलको समूहले जिल्ला सभापतिहरूको रिले अनशनलाई ऐक्यबद्धता जनाएको छ । जिल्ला सभापतिहरु रिले अनसनमा ऐक्यवद्धता जनाउन वरिष्ठ नेता रामचन्द्र पौडेल, पूर्वमहामन्त्री प्रकाशमान सिंह, महामन्त्री शशांक कोइराला,नेताहरु अर्जुननरसिंह केसी, बलबहादुर केसी, डा।शेखर कोइराला, दिलेन्द्रप्रसाद बडु, चित्रलेखा यादव लगायत सानेपा पुगेका थिए ।

नेपाली कांग्रेस नुवाकोटका सभापति जगदीश्वर नरसिंह केसी, काभ्रे जिल्ला सभापति मधु आचार्य, धादिङ जिल्ला सभापति रमेश धमला तथा युवा नेताद्वय रञ्जित कर्ण र डिल्लीराम सुवेदी अनसनमा बसेका हुन् ।

आन्दोलित जिल्ल सभापतिहरूलाई सम्बोधन गर्दै पाैडेलले क्रियाशील सदस्यको सूची हेर्न पाउनुपर्ने भन्दै आन्दोलित जिल्ला सभापतिहरूको माग तत्काल सम्बोधन हुनुपर्ने बताए । 

“फाइनल गरेर सूची अहिले सार्वजनिक गर्नुपर्छ, हेर्न पाउनु पर्छ, गल्ती सच्याउन पाउनुपर्छ,” उनले भने, “मैले सभापतिजीलाई सूची सार्वजनिक गरौँ धर्नाको आवश्यता पर्दैन भनेर भनेको हो । सभापतिहरूको माग तत्काल सम्बोधन गर्नुपर्छ ।"