राजनीति

नवनियुक्त प्रदेश प्रमुखहरूले लिए पद तथा गोपनीयताको सपथ

काठमाडाैं । नवनियुक्त प्रदेश प्रमुखहरूले पद तथा गोपनीयताको सपथ लिएका छन् ।

बुधबार राष्ट्रपति विद्यादेवी भण्डारीले राष्ट्रपति कार्यालयमा लुम्बिनीका नवनियुक्त प्रदेश प्रमुख अमिक शेरचन र गण्डकीमा प्रदेश प्रमुख पृथ्वीमान गुरूङलाई पद तथा गोपनीयताको सपथ खुवाएकी हुन् ।

मंगलबार मन्त्रिपरिषद बैठकले सिफारिस गरेका गुरूङ र शेरचनलाई भण्डारीले नियुक्त गरेकी थिइन् ।

गुरूङ कांग्रेस र शेरचन नेकपा माओवादी केन्द्रको कोटामा नियुक्त भएका हुन् ।

यसअघि गण्डकी प्रदेशमा सीताकुमारी पौडेल र लुम्बिनीमा धर्मनाथ यादव थिए। दुबैलाई फालेर देउवा सरकारले नयाँ नियुक्ति गरेको हो ।

गाउँ सहर संवाददाता

तपाईँको मत