पूर्वाधार

कोरोना संक्रमण पुनः बढ्न थाल्यो, थप १८ जनाको मृत्यु, थपिए २ हजार ९७७

काठमाडौँ । नेपालमा कोरोनाबाट पछिल्लो २४ घण्टामा १८ जनाको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ९ हजार ६७९ पुगेको छ ।

पछिल्लो २४ घण्टामा १७ हजार ३०८ को परीक्षण हुँदा २ हजार ९७७ संक्रमित थपिएका छन् । योसहित कुल संक्रमितको संख्या पिसिआरबाट ६ लाख ७६ हजार ७२६०८ र एन्टिजेन विधिबाट ५३ हजार ४३८ पुगेको छ ।

बागमतीमा मात्रै १ हजार ५७ संक्रमित थपिएका छन् ।

आजसम्म जम्मा ३५ लाख १७ हजार ८८९ पिसिआर र २ लाख ८२ हजार १७९ जनाको परीक्षण भएको छ ।

अहिलेसम्मका संक्रमितमध्ये ६८२ सघनमा र १७५ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ६७८ छ । निको हुने प्रतिशत ९४.५ रहेको छ । योसहित कुल निको हुनेको संख्या ६ लाख ३९ हजार ३६८ पुगेको छ ।

देशभरका क्वारेन्टाइनमा रहनेको संख्या ३३५ र होम आइसोलेशनमा रहेको संख्या २४ हजार ९८३ छ भने संस्थागत आइसोलेशनमा रहेको संख्या २ हजार ६८२ छ । 

देशमा सक्रिय संक्रमितको संख्या २७ हजार ६६१ रहेको छ । 

अहिलेसम्म दोस्रो मात्राको खोप प्राप्त गर्नेको संख्या १३ लाख १२ हजार १२ पुगेको मन्त्रालयले जनाएको छ ।

पछिल्लो समय कोरोना संक्रमण सोचेजस्तो नघटेको स्वास्थ्य तथा जनसंख्या मन्त्रालयले बताएको छ । उसले विज्ञप्ति जारी गरी पछिल्लो हप्तामा संक्रमणको दर बढेको बताएको हो । उसले लुकिछिपी मापदण्डको पालना नगरेको पाइएको बताएको छ । 

गाउँ सहर संवाददाता