अर्थतन्त्र

शेयरबजारका कुरा : नेप्से ७३ अंकले बढ्दा लगानीकर्तामा उत्साह, काराेबार रकम पनि बढ्याे

काठमाडौं । अघिल्लाे साता लगातार घटिरहेको सेयर बजार यस साताकाे पहिलाे दिन आइतबार उकालाे लागेकाे छ । 

यस दिन नेप्से परिसूचक ७३.३३ अंक बढेर २८९८.४३ विन्दुमा पुगेको छ। यस दिन सेन्सेटिभ इण्डेक्स १३.५१ अंक, फ्लोट इण्डेक्स ५.६४ अंक र सेन्सेटिभ फ्लोट इण्डेक्स ५.४५ प्रतिशत बढेको छ ।

औषतमा साढे ४ अर्ब कारोबार भएको बजारमा यो दिन ३ करोड १५ लाख ८८ हजार ८५० कित्ता सेयर ८ अर्ब ६ करोड १३ लाख ८२ हजार ४९६ रुपैयाा ३९ पैसामा कारोबार भएको छ । यो दिन २०२ वटा कम्पनीको सेयर मूल्य बढेको छ भने १२ वटा कम्पनीको मात्रै सेयर मूल्य घटेको छ । त्यसैगरी १० वटा कम्पनीको सेयर मूल्य स्थिर छ ।

यस दिन गोर्खाज फाइनान्स, श्री इन्भेष्टमेन्ट एण्ड फाइनान्स र आइसीएफसी फाइनान्सको शेयरमूल्य १० प्रतिशत बढेको छ । कारोबारमा आएको कर्पोरेट डेभलपमेन्ट बैंकको शेयरमूल्य भने यस दिन ३.७५ प्रतिशत घटेको छ ।

कारोबार रकमका आधारमा यस दिन एनआईसी एशिया बैंक लिमिटेड शीर्ष स्थानमा रहेको छ । सो बैंकको यस दिन ३९ करोड ९३ लाख रुपैयाँ बराबरको शेयर खरिदबिक्री भएको छ । 

गाउँ सहर संवाददाता