स्वास्थ्य

निषेधाज्ञा खुलेपछि कोरोना संक्रमण बढ्यो, थप २२ जनाको मृत्यु, मापदण्डमा कडिकडाउ भएन

काठमाडौँ । नेपालमा कोरोनाबाट अहिलेसम्म ९ हजार ३६२ को मृत्यु भएको छ । यस्तै कुल संक्रमित ६ लाख ५४ हजार २१२ पुगेका छन् भने निको हुने ६ लाख १८ हजार ३६१ छन् ।

पछिल्लो २४ घण्टामा २२ जना कोरोना संक्रमितको मृत्यु भएको छ । 

पछिल्लो २४ घण्टामा १० हजार ४१७ को परीक्षण हुँदा २ हजार १६९ संक्रमित थपिएका छन् । संक्रमितमध्ये ५४३ सघनमा र १५५ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ४३२ छ । निको हुनेको प्रतिशत ९४.५ रहेको छ ।

आजसम्म ३४ लाख ९ हजार ९४० जनाको पिसिआर परीक्षण भएको छ भने एन्टिजेन विधिबाट २ लाख ३१ हजार ९४ को परीक्षण भएको छ । देशभरका क्वारेन्टाइनमा रहनेको संख्या ३०८ र होम आइसोलेशनमा रहेको संख्या २३ हजार ५३९ छ भने संस्थागत आइसोलेशनमा रहेको संख्या २ हजार ९५० छ ।

देशमा सक्रिय संक्रमितको संख्या २६ हजार ४८९ रहेको छ । 

पछिल्लो समय निषेधाज्ञा खुलेसंगै कोभिड परीक्षण घटेको छ भने संक्रमणको दर दैनिक वृद्धि हुँदै गएको छ । तर मृत्यु भने घटेको छ । अहिलेपनि २० देखि ६० वर्ष उमेर समूहमा संक्रमण उचो छ ।

अहिलेसम्म कोरोनाविरुद्धको दोस्रो मात्राको खोप प्राप्त गर्नेको संख्या १० लाख १ हजार ७५९ पुगेको मन्त्रालयले जनाएको छ ।

गाउँ सहर संवाददाता

तपाईँको मत