गाउँ सहर

रामेछापकाे स्वास्थ्य केन्द्रमा अक्सिजन उत्पादन गर्ने सिलिण्डर सहयाेग

रामेछाप । रामेछाप मन्थली नगरपालिका ३ कठजोर ठाटी सहरी स्वास्थ्य केन्द्र र गोकुल गङ्गा गाउँपालिका वडा नम्बर ६ फर्पू स्वास्थ्य केन्द्रको लागि हङकङ नेपाली महासङ्घ स्वयर्स एक्सन हङकङको सहयोगमा स्वास्थ्य केन्द्र र प्राथमिक स्वास्थ्य केन्द्रको लागि प्रति मिनेट १० लिटर अक्सिजन उत्पादन गर्न सक्ने क्षमताको अक्सिजन सिलिण्डर सहयाेग गरिएकाे छ ।

नेपाली काङ्ग्रेसको तर्फबाट रामेछाप प्रदेस सभा सदस्य उम्मेद्वार रत्नबहादुर कार्कीको पहलमा आज उपलब्ध गराइएको हाे ।

कोभिड रोकथाम तथा नियन्त्रणको लागि २ लाख मूल्य पर्ने उक्त सामग्रीहरु समाजसेवी इन्जिनियर आकाश उप्रेती र प्राबिधिक सहयोगी डा. दीपेन्द्र पौडेलबाट सम्बन्धित स्वास्थ्य केन्द्रहरुमा हस्तान्तरण गरिएको छ । सङ्स्थाले यसअघि २ वटाको दरले ३५ जिल्लामा बितरण गरिसकेको छ ।

गाउँ सहर संवाददाता