गाउँ सहर

आजदेखि लागू हुने गरि काठमाडौं उपत्यकामा थपिएकाे निषेधाज्ञा खुकुलाे

काठमाडौं । काठमाडौं उपत्यकामा आजदेखि निषेधाज्ञा खुकुलो पारिएको छ । 

डेढ महिनादेखि लागू भएको निषेधाज्ञा असार ७ गतेसम्म थपिएको छ । काठमाडौं, ललितपुर र भक्तपुरका प्रमुख जिल्ला अधिकारीको बैठकले थपिएको अवधिमा निषेधाज्ञा खुकुलो बनाउने निर्णय गरेका थिए । त्यहिअनुसार आजदेखि निषेधाज्ञा खुकुलो पारिएको हो । 

आजबाट तरकारी, फलफूल, खाद्यान्न पसल, दूध डेरी, मासु, ग्यास पसलहरु, किराना पसल बिहान ११ बजेसम्म खोल्न पाइने भएको छ ।

तरकारी, फलफूल, खाद्यान्न, दूध तथा दुग्धजन्य पदार्थ र सोको प्याकिङ सामग्री, कुखुराको दाना, चल्ला र पशुपक्षीजन्य पदार्थ, भेटनरीसम्बन्धी कार्य, इन्धन, खाना पकाउने ग्यास, सरसफाइमा प्रयोग गरिने मास्क, साबुन, स्यानिटाइजर, प्रिन्ट तथा सरकारी छापाखाना र कृषि कार्यमा प्रयोग हुने मल, बिउलगायत सामग्री ढुवानी गर्दा यातायातका साधनमा ब्यानर वा प्रिन्टमा विषय उल्लेख गरी राति ९ देखि बिहान ११ बजेसम्म न्यूनतम जनशक्ति प्रयोग गरी सञ्चालन गर्न पाइनेछ ।

यससँगै अनलाइन व्यवसायमार्फत होम डेलिभरी गर्न सकिनेछ। होटलमा ‘टेक अवे’ सेवालाई सञ्चालन गर्न सकिनेछ । 

त्यस्तै, वर्कसपहरू बिहानदेखि खुलेका छन्। साँझसम्म खोल्न दिने व्यवसथ गरिएको छ । 

सहकारी संस्था र रेमिट पनि खोल्न पाइने भएको छ। त्यसका लागि हप्तामा दुई दिन आइतबार र बिहीबार तोकिएको छ । 

निर्माण सामग्री ढुवानीका लागि सवारी–साधन राति ९ देखि बिहान ५ बजेसम्म सञ्चालन गर्न पाइनेलगायत व्यवस्था गरिएको छ ।

गाउँ सहर संवाददाता

तपाईँको मत