अर्थतन्त्र

देशका तीन स्थानीय तहमा वाणिज्य बैंक पुग्न बाँकी

काठमाडौँ । देशका तीन स्थानीय तहमा वाणिज्य बैंक पुग्न बाँकी रहेको देखिएको छ । 

नेपाल राष्ट्र बैंकद्वारा जारी पछिल्लो आर्थिक तथा वित्तीय अवस्था (दश महिनामा आधारित) तथ्यांकले यहि बताउँछ ।

राष्ट्र बैंकका अनुसार कुल ७५३ स्थानीय तहमध्ये २०७८ बैशाखसम्म ७५० तहमा वाणिज्य बैंकहरुका शाखा विस्तार भएका छन् । २०७७ बैशाखसम्म ७४६ स्थानीय तहमा वाणिज्य बैंकहरुका शाखा विस्तार भएका थिए ।

बैंकबाट इजाजतप्राप्त बैंक तथा वित्तीय संस्थाहरुको संख्या २०७८ बैशाख मसान्तमा १३८ रहेको छ । यस मध्ये २७ वाणिज्य बैंक, १८ विकास बैंक, २० वित्त कम्पनी, ७२ लघुवित्त वित्तीय संस्था र १ पूर्वाधार विकास बैंक सञ्चालनमा रहेका छन् । बैंक तथा वित्तीय संस्थाहरुको शाखा संख्या २०७७ असार मसान्तमा ९७६५ रहेकोमा २०७८बैशाख मसान्तमा १०,५९८ पुगेको छ ।

गाउँ सहर संवाददाता

तपाईँको मत