गाउँ सहर

काठमाडाैं महानगरपालिकाले काेभिडबिरूद्धकाे खाेप लगाउन भाेलिदेखि बाेलायाे (सूचनासहित)

काठमाडौं । काठमाडौं महानगरपालिकामा रोकिएको कोरोनाविरुद्धको खोप कार्यक्रम सोमबार (भोलि) देखि लगाइने भएको छ ।

काठमाडौं महानगर जनस्वास्थ्य विभागका प्रमुख हरिबहादुर कुँवरका अनुसार भोलि सोमबार र मंगलबार ६० र ६१ वर्ष उमेर समूहका व्यक्तिलाई भेरोसेल खोपको पहिलो डोज लगाइनेछ ।

यसअघि, काठमाडौं महानगरका ३२ वटै वडा कार्यालयमा खोप कार्यक्रम गरिएको थियो । तर, सरकारले पर्याप्त खोप उपलब्ध गराउन नसक्दा जेठ २८ गते खोप लगाउने कार्यक्रम स्थगित गरिएको थियो ।

यसअघि खोप नपुगेर छुटेका ६० र ६१ वर्ष उमेर समूहलाई अस्पतालमा खोप लगाउने गरी खोप केन्द्र तोकिएको छ । खोप तालिकाबमोजिम वीर अस्पताल, सिभिल अस्पताल, त्रिवि शिक्षण अस्पताल र वीरेन्द्र सैनिक अस्पताल छाउनी, निजामती कर्मचारी अस्पताल बानेश्वरमा खोप लगाउने कार्यक्रम राखिएको छ ।

तालिका हेर्नोस्–

गाउँ सहर संवाददाता