अर्थतन्त्र

नेप्सेमा उच्च अंककाे वृद्धि, झण्डै साढे दश अर्बकाे काराेबार

काठमाडाैं । आइतबार (आज) शेयर बजार परिसूचक नेप्सेमा उच्च अंककाे वृद्धि भएकाे छ । 

नेप्से दुई प्रतिशतले वृद्धि हुँदा काराेबार रकम पनि झण्डै साढे दश अर्ब हाराहारीकाे भएकाे छ । यसदिन ५४.२१ अंकले बढेर नेप्से २७३८.३० विन्दुमा पुगेको छ । 

यस्तै, ठूला कम्पनीको सेयर कारोबार मापन गर्ने सेन्सेटिभ परिसूचक पनि ८.६३ अंकले बढेर ४८८.१३ विन्दुमा कायम भएको छ ।

सबैभन्दा धेरै रुरु जलविद्युत् परियोजनाको सेयर मूल्यमा १० प्रतिशतको सकारात्मक सर्किट लागेको छ । त्यसैगरी शिखर इन्स्योरेन्स, समता घरेलु लघुवित्त, सप्तकोसी डेभलपमेन्ट बैंक, प्रोग्रेसिभ फाइनान्स, बरुण हाइड्रोपावरलगायतकाे मूल्य बढेको छ ।

त्यसैगरी युनियन हाइड्रोपावर, आँखुखोला जलविद्युत् कम्पनी, नारायणी डेभलपमेन्ट बैंक, घलेम्दी हाइड्रोलगायतकाे सेयर मूल्य सबैभन्दा धेरै घटेको छ ।

यो दिन १६४ वटा कम्पनीको सेयर मूल्य बढ्दा ४१ वटा कम्पनीको सेयर मूल्य घटेको छ भने ८ वटा कम्पनीको सेयर मूल्य स्थिर छ ।

 

गाउँ सहर संवाददाता