स्वास्थ्य

कोरोनाभाइरसबाट १४५* जनाको मृत्यु, ६ हजार ६४८ जनाले गरे स्वास्थ्य लाभ, थपिए ७ हजार ३६८, निको हुने दर ७४.६ प्रतिशत 

• गाउँ सहर संवाददाता
• २ जेठ आइतबार, २०७८ | १६:३३:०० मा प्रकाशित

काठमाडौँ । कोरोनाभाइरसका कारण नेपालमा पछिल्लो २४ घण्टामा १४५ जनाको मृत्यु भएको छ । 

यो मृत्यु नेपाली सेनाद्वारा विभिन्न मितिमा शव व्यवस्थापन गरेका समेत हुन् । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर जाँचबाट १९ हजार ५३९ र एन्टिजेन विधिबाट ३४४ को परीक्षण गर्दा दुबै विधि गरेर ७ हजार ३६८ नयाँ संक्रमित थपिएका छन् । 

यसरी थपिनेमा काठमाडौँमा १ हजार ८८१, भक्तपुरमा २९२ र ललितपुरमा ४३६ रहेका छन् ।

पछिल्लो २४ घण्टामा ६ हजार ६४८ जना निको भएका छन् । मन्त्रालयका अनुसार निको हुनेको प्रतिशत ७४.६ रहेको छ । 

मन्त्रालयका अनुसार अहिले देशभरमा १ लाख १० हजार २६३ सक्रिय संक्रमित रहेका छन् । आज ७०१ जना क्वारेन्टाइनमा रहेको उसले बताएको छ ।  संस्थागत आइसोलेशनमा ७ हजार ८०८ र होम आइसोलेशनमा १ लाख २ हजार ४५५ रहेका छन् ।

मन्त्रालयका अनुसार देशभरका अस्पतालहरुमा १ हजार ३१३ को आइसियूमा र ३८० जनाको भेन्टिलेटरमा उपचार भइरहेको छ । 

पछिल्लो समय कोरोना कहर बढ्दै जाँदा कोरोनाको चेन ब्रेक गर्न धेरै स्थानहरुमा निषेधाज्ञा जारी गरिएको छ ।

पछिल्लो २४ घण्टाको तथ्याँकले पनि २० वर्षदेखि २९, ३० देखि ३९ वर्ष, ४० देखि ४९ र ५० देखि ५९ वर्ष समूहमा सबैभन्दा बढी संक्रमण देखिएको छ ।

* (मृत्यु) नेपाली सेनाद्वारा विभिन्न मितिमा शव व्यवस्थापन गरेका समेत ।