स्वास्थ्य

नेपालमा कोरोनाबाट थप ५८ जनाको मृत्यु, देशभर ६६ हजार ३५२ सक्रिय संक्रमित

काठमाडौँ । कोरोनाभाइरसका कारण नेपालमा पछिल्लो २४ घण्टामा ५८ जनाको मृत्यु भएको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा पिसिआर जाँचबाट ८ हजार ६०५ नयाँ संक्रमित थपिएका छन् भने ५४ जना एन्टिजेन विधिबाट पुष्टि भएका छन् । दुबै विधिबाट २१ हजार ३७२ परीक्षण गरिएकोमा कुल ८ हजार ६५८ नयाँ संक्रमित थपिएका छन् ।

काठमाडौँमा ३ हजार ८४९, ललितपुरमा ५१८ र भक्तपुरमा ४५९ संक्रमित थपिएका छन् ।

पछिल्लो २४ घण्टामा १ हजार ९९३ जना निको भएका छन् । 

मन्त्रालयका अनुसार अहिले देशभरमा ६६ हजार ३५२ सक्रिय संक्रमित रहेका छन् । आज ३८१ जना क्वारेन्टाइनमा रहेको उसले बताएको छ ।

गाउँ सहर संवाददाता

तपाईँको मत