वातावरण

माैसम : आज देशमा स्थानीय वायु र पश्चिमी वायुको आंशिक प्रभाव

• गाउँ सहर संवाददाता
• २९ चैत आइतबार, २०७७ | ०८:४७:०० मा प्रकाशित

काठमाडाैं । मौसम पूर्वानुमान महाशाखाले आइतबारको मौसम पूर्वानुमानबारे जानकारी दिएको छ । 

महाशाखाले आज देशमा स्थानीय वायु र पश्चिमी वायुको आंशिक प्रभाव रहेको जनाएको छ ।

बिहानको मौसमको अवस्थाबारे जानकारी दिँदै महाशाखाले देशको पहाडी भूभागहरूमा आंशिक बदली  रहेको र बाँकी भूभागहरुको मौसम सामान्यतया सफा रहेको जनाएको छ । 

यसैगरी आइबार दिउँसो दिउँसो देशका पहाडी भूभागमा आंशिकदेखि सामान्य बदली रही बाँकी भूभागमा मौसम सामान्यतया सफा  रहनेछ।  भने, पहाडी भूभागका एक वा दुई स्थानमा अपरान्हपछि मेघगर्जन र चट्टयाङ्गसहित क्षणिक वर्षाको सम्भावना रहेको छ । 

यस्तै, राति  देशका पहाडी भूभागमा आंशिक बदली रही बाँकी भूभागमा मौसम सामान्यतया सफा  रहने छ । 

महाशाखाका अनुसार आइतबार साँझ र सोमबार दिउँसो हल्का वर्षा हुनसक्ने सम्भावना रहेको छ । 

आज बिहान काठमाडौं उपत्यकाको न्यूनतम तापक्रम १२ डिग्री सेल्सियस मापन भएको छ । दिउँसो बढेर २९ देखि ३१ डिग्री सेल्सियससम्म पुग्न सक्ने पूर्वानुमान छ ।