स्वास्थ्य

प्रधानमन्त्री ओलीले लगाए काेराेनाविरूद्ध खोपकाे पहिलाे मात्रा, ६५ वर्षमाथिकालाई पनि शुरू

काठमाडौं । प्रधानमन्त्री केपी शर्मा ओलीले कोभिड १९ विरुद्धको खोप लगाएका छन् । 

प्रधानमन्त्री केपी शर्मा ओलीले खोप लगाएर दोस्रो चरणको खोप अभियानको शुभारम्भ गरेका छन् । साथमा प्रधानमन्त्री ओलीकी पत्नी राधिका शाक्यले पनि खोप लगाएकी छन् ।

साे अवसरमा प्रधानमन्त्री ओलीले सबैलाई खोप उपलब्ध भएकोले ढुक्कले खोप लगाउन आग्रह गरे ।

प्रधानमन्त्रीले त्रिवि शिक्षण अस्पतालमा पुगेर सो खोप लगाएका हुन् ।

दोस्रो चरणको अभियानअन्तर्गत आजदेखि देशभर ६५ वर्षमाथिका ज्येष्ठ नागरिकलाई खोप प्रदान गरिनेछ । हिमाली भेगका १५ जिल्लामा भने ५५ वर्षमाथिका ज्येष्ठ नागरिकलाई खोप प्रदान गरिनेछ ।

परराष्ट्रमन्त्री प्रदीप ज्ञवाली, मनत्री लेखराज भट्ट तथा प्रधानमन्त्रीका सल्लाहकारहरु र स्वकीय सचिवालयमाकार्यरतहरुले पनि खोप लगाएका थिए ।

दोस्रो चरणमा करिब १६ लाख ज्येष्ठ नागरिकलाई खोप प्रदान गरिने र खोप अभियान ६ हजार खोप केन्द्रबाट सञ्चालन हुनेछ । 

गाउँ सहर संवाददाता

तपाईँको मत