आज यी ९ ठाउँबाट नेकपा दाहाल-नेपाल समूहको जुुलुस निस्कदा ट्राफिक जाम हुन सक्छ, वैकल्पिक बाटाे अपनाउनुस्
- गाउँ सहर संवाददाता
- ९ माघ शुक्रबार, २०७७ | ०९:२४:०० मा प्रकाशित
काठमाडाैं । प्रतिनिधिसभा विघटनको विरोधमा नेकपा दाहाल नेपाल समूहको केन्द्रीय संघर्ष समितिले आज (शुक्रबार) काठमाडौंमा विरोध प्रदर्शन गर्न लागेकाे छ ।
उक्त समूहले आज काठमाडौंमा शक्ति प्रदर्शन गर्न लागेको हाे । नेकपाले निकाल्ने बिराेध जुलुशले केही समय ट्राफिक व्यवस्थापनमा समस्या हुने देखिएकाे छ । एकसाथ काठमाडौंका विभिन्न स्थानबाट निस्कने जुलुसले विशेष गरि रत्नपार्क वरिपरिका सडकमा घण्टौंसम्म ट्राफिक जाम हुँदा बाटोमा गुडिरहेका सवारी साधनले सास्ती खेप्नु पर्ने देखिन्छ ।
स्थायी कमिटी सदस्य सहितका नेताहरूको नेतृत्वमा माइतीघर, डिल्लीबजार, लैनचौर, त्रिपुरेश्वर, कुपन्डोल, प्रदर्शनीमार्ग, त्रिचन्द्र कलेज,शान्तिवाटिका, वाल्मिकि क्याम्पस लगायतका स्थानबाट जुलुस निस्किने जनाइएकाे छ ।
त्यसैगरी, उपत्यकाका विभिन्न ठाउँबाट निस्किएका जुलुस रत्नपार्कमा जम्मा भई मुख्य जुलुसमा परिणत हुने उनले बताए ।
मुख्य जुलुस पार्टी अध्यक्षद्वय प्रचण्ड र नेपालको नेतृत्वमा रत्नपार्क, सुन्धारा, भद्रकाली, पुतली सडक हुँदै भृकुटीमण्डपमा विरोध सभामा परिणत हुने उनले जानकारी दिए ।
विरोध प्रदर्शनमा सहभागी हुन नेकपाका प्रचण्ड-नेपाल पक्षका कार्यकर्ता काठमाडौं आएका छन् । काठमाडौं उपत्यका नजिक रहेका जिल्लाका कार्यकर्ता प्रदर्शनका लागि आएका छन् ।
प्रचण्ड-नेपाल पक्षले आजको विरोधमा एक लाख कार्यकर्ता उतार्ने दाबी गरेका छन्। केही दिनअगाडि प्रचण्डले कार्यकर्तालाई सक्रिय हुन निर्देशन दिएका थिए।
यसैबीच प्रचण्ड-नेपाल समूहले मर्यादित नारा मात्रै लगाउन निर्देशिका नै जारी गरेको छ। प्रतिनिधि सभा विघटनको निर्णय नसच्चिएसम्म आन्दोलन गरिराख्ने उनीहरूले बताएका छन्।
प्रधानमन्त्री केपी शर्मा ओलीले पुस ५ गते प्रतिनिधि सभा विघटन गरेपछि नेकपा विभाजित छ तर कानुनी रूपमा फुटिसकेको भने छैन । नेकपामा प्रधानमन्त्री केपी शर्मा ओली र पुष्पकमल दाहाल प्रचण्ड तथा माधवकुमार नेपाल गरी दुइटा समूहले भिन्नभिन्न कार्यक्रम गरिरहेका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस