दशैंकाे फूलपातीकाे रात किन कालरात्री देवीकाे पूजा आराधना गरिन्छ ?
- गाउँ सहर संवाददाता
- १८ असोज शनिबार, २०७६ | ०५:००:०० मा प्रकाशित
काठमाडाैं । नवरात्रको साताैं दिन कालरात्रि स्वरूप नवदुर्गा भवानीको आराधना गरिन्छ । वडा दशैँको सातौँ दिन आज दशैँ घर अथवा पूजा कोठामा दुर्गा स्थापना गरिएको स्थलमा नव दुर्गामध्येकी सातौँ कालरात्रि देवीको पूजा आराधना गरी मनाइन्छ ।
देवी दुर्गा, आफ्नो सातौं स्वरूपमा कालरात्रिको नामले विख्यात छिन् । देवी कालरात्रि घोर अन्धकार जस्तै कालो रङ्ग युक्त शारीरिक वर्ण भएको कारण नै देवी कालरात्रि नामले विख्यात मानिन्छिन् ।
देवी कालरात्रिले दुष्टहरू, दैत्य, राक्षस, भूत, प्रेत इत्यादि अशुभ शक्तिहरू विनाश गर्ने भएकाेले कालरात्रिको स्मरण मात्रले पनि ती भयभीत भएर पलायन हुन्छन् ।
उनको स्वरूप डरलाग्दो रहेको छ, शिरको कपाल भयानक एवं बिग्रिएको छ, गोला गोला र ठुला ठुला तीन नेत्रले युक्त तथा मस्तकमा अर्ध चन्द्र विराजमान छ । देवी आफ्नो भुजाहरू तथा गलामा बिजुली जस्तै तरङ्ग भएको चमकदार माला धारण गरेकी, देवी कालरात्रि चार भुजाहरूले युक्त, आफ्नो दुवै दाहिने भुजाबाट देवी वर तथा अभय मुद्रा प्रदर्शित गरिरहेकि भएको र बायाँ भुजामा खड्ग र पाश शक्ति धारण गरेकी छिन् ।
कालरात्रीकाे पूजा गर्नाले ग्रह जनित दोषहरू देवीको कृपाले निवारण हुन्छ भन्ने विश्वास छ । देवीको भक्तहरू हर प्रकारको भय जस्तै अग्नि भय, रोग भय, शत्रु भय इत्यादि भयबाट मुक्त रहन्छन् भन्ने मान्यता रहेकाे छ । कालरात्रि माताको श्रद्धा एवं भक्तिले गरेको पूजा एवं पाठका प्रभावले धर्म, अर्थ, काम तथा मोक्षलाई प्राप्त गर्न सकिन्छ र जन्म जन्मान्तरको पाप नष्ट हुने शास्त्रोक्त कथन रहेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- ISPAN काे पत्रकार सम्मेलन बिहीबार
- कतारी अमिरको नेपाल भ्रमण कति उपलब्धिमूलक रह्यो ?
- शेयर बजारमा २ अर्ब ५३ करोडको कारोबार, यस्ताे रह्याे नेप्से
- गौर हत्याकाण्डसम्बन्धी मुद्दामा १७ वर्षपछि कारण देखाउ आदेश
- करिब २२ घण्टा नेपाल बसेर स्वदेश फर्किए कतारी राजा थानी
- कतार र नेपालको प्रतिनिधिमण्डलस्तरीय द्विपक्षीय भेटवार्ता
- यस्ताे छ मुलुकभर कृषि कामदार अभावकाे तथ्याँक
- मलेसियाको श्रम नीतिले नेपालकाे राेजगारमा असर
- शीतल निवासमा राष्ट्रपति पौडेल र कतारका अमिरबिच भेटवार्तामा भए यस्ता छलफल
- समयमा काम सम्पन्न नगर्ने पप्पु कन्स्ट्रक्सनसहित निर्माण २९ कम्पनी कालो सूचीमा
प्रतिकृया दिनुहोस