उच्चस्तरीय राजनीतिक संयन्त्रको बैठक बोलाउने यस्तो सहमति
- गाउँ सहर संवाददाता
- २५ माघ बुधबार, २०७९ | १२:४७:०० मा प्रकाशित
काठमाडौँ । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलीबीच उच्चस्तरीय राजनीतिक संयन्त्रको बैठक बोलाउने सहमति भएको छ ।
प्रधानमन्त्री प्रचण्ड र उच्चस्तरीय राजनीतिक संयन्त्रको संयोजकसमेत रहेका अध्यक्ष ओलीबीच आज बालकोटमा भएको भेटमा भोलि राजनीतिक संयन्त्रको बैठक बोलाउने र राष्ट्रपतिको उम्मेदवार लगायतका विषयमा छलफल गर्ने सहमति भएको हो ।
भेटपछि सञ्चारकर्मीलाई संक्षिप्त प्रतिक्रिया दिँदै प्रधानमन्त्री प्रचण्डले राष्ट्रपतिको उम्मेदवार र सरकारका कामकारबाहीबारे छलफल गर्न उच्चस्तरीय राजनीतिक संयन्त्रको बैठक बस्ने जानकारी दिए ।
राष्ट्रपति पदको निर्वाचन आगामी फागुन २५ गते तोकिएको छ । फागुन २८ मा राष्ट्रपति विद्यादेवी भण्डारीको पाँच वर्षे कार्यकाल सकिँदै छ । सत्ता साझेदार दलबीच राष्ट्रपतिको उम्मेदवार कसलाई बनाउने भन्नेबारे एक मत हुन सकेको छैन ।
एमालेले राष्ट्रपति आफूले पाउनुपर्ने अडान राख्दै आएपनि प्रधानमन्त्री प्रचण्डले राष्ट्रिय सहमतिमा राष्ट्रपति बनाउने बताउँदै आएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
- सुनको मूल्यमा नयाँ रेकर्ड कायम
- यसपालीकाे एसईई परीक्षा सुरु, ११ कक्षामा भर्ना हुन ३५ प्रतिशत अंक चाहिने
- मुगुमा जिप दुर्घटना हुँदा २ जनाको मृत्यु, ४ घाइते
प्रतिकृया दिनुहोस