स्वस्थ जीवनका लागि खेलकुद - जि.स.स. कास्की प्रमुख पौडेल
- गाउँ सहर संवाददाता
- ८ कार्तिक मंगलबार, २०७९ | १८:४०:०० मा प्रकाशित
पोखरा। जिल्ला समन्वय समिति कास्कीका प्रमुख लिलाधर पौडेलले स्वस्थ जीवनको लागि खेलकुद र व्यायाम आवश्यक भएकाे बताएका छ्न्। नागरिक स्वस्थ भए मात्रै समृद्धि संभव हुने र त्यसका लागि नियमित खेलकुद र शारीरिक व्यायाम आवश्यक हुने हुँदा आम नागरिकहरू त्यसमा सहभागी हुनु पर्ने बताए।
खेलकुदमा व्यवसायिक हुँदा देश र जनताको प्रतिष्ठा वृद्धिमा महत्त्वपूर्ण भूमिका रहने बताए।
पौडेलले सो कुरा पोखरा महानगर पालिका वडा न ५ स्थित सूर्य चन्द्र विकास समाजको आयोजनामा संचालित तेस्रो वडास्तरिय पुरुष डबल ब्याडमिन्टन प्रतियोगिताको समापनका अबसरमा बिजयी खेलाडीहरूलाइ प्रमाणपत्र वितरण गर्दै सो कुरा बताएका हुन्।
प्रमुख पौडेलले खेलकुद क्षेत्रको विकासको लागि समय सापेक्ष नीति निर्माणमा जोड दिए।
२४ टिमको सहभागितामा ३ दिन सम्म संचालित सो प्रतियोगितामा समूह" क" तर्फ प्रबेश गुरुङ र जित बहादुर कुबरको समूह बिजेता र कृष्ण खत्री र दिपक लामिछानेको समूह - उप बिजेता बन्न सफल भए भने समूह" ख "तर्फ सुबास कोइराला र भुपेन्द्र के. सी. को समूह बिजेता तथा गोबिन्द बहादुर थापा र सुशोभन बरालको समुह उप- बिजेता बन्न सफल भए। बिजेता तथा उप बिजेता समूहले क्रमशः नगद रु १२ हजार र ८ हजार ट्रफी, प्रमाणपत्र प्राप्त गरे।
पोखरा महानगर पालिका वडा न ५ को विशेष सहयोग रहेको प्रतियोगितामा समूह" क "तर्फ जित बहादुर कुबर र समूह" ख" तर्फ सुबास कोइराला उत्कृष्ट खेलाडि घोषित भए।
उनीहरुलाई ट्रफी र मेडल प्रदान गरिएको आयोजक सूर्य चन्द्र विकास समाजका अध्यक्ष कृष्ण प्रसाद बरालले जानकारी दिए।
सो अवसरमा खेलकुदको विकासमा महत्वपूर्ण योगदान पुर्याएबापत ब्याडमिन्टन खेलाडी जगदिश प्रसाद अधिकारीलाई" स्रष्टा सम्मान "बाट सम्मानित गरिएको थियो।
कार्यक्रममा पोखरा महानगरपालिका वडा न ५ का अध्यक्ष बिष्णु प्रसाद बराल, प्रतियोगी खेलाडी केशव प्रसाद कोइराला, सम्मानित व्यक्ति जगदिश प्रसाद अधिकारी, सूर्य चन्द्र विकास समाजका महासचिब सावित्री कोइराला लगायतले मन्तव्य व्यक्त गरेका थिए।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- इलाम र बझाङमा हुने निर्वाचनमा मौन अवधि सुरु, मौन अवधिमा केके गर्न पाइँदैन ?
- ISPAN काे पत्रकार सम्मेलन बिहीबार
- कतारी अमिरको नेपाल भ्रमण कति उपलब्धिमूलक रह्यो ?
- शेयर बजारमा २ अर्ब ५३ करोडको कारोबार, यस्ताे रह्याे नेप्से
- गौर हत्याकाण्डसम्बन्धी मुद्दामा १७ वर्षपछि कारण देखाउ आदेश
- करिब २२ घण्टा नेपाल बसेर स्वदेश फर्किए कतारी राजा थानी
- कतार र नेपालको प्रतिनिधिमण्डलस्तरीय द्विपक्षीय भेटवार्ता
- यस्ताे छ मुलुकभर कृषि कामदार अभावकाे तथ्याँक
- मलेसियाको श्रम नीतिले नेपालकाे राेजगारमा असर
- शीतल निवासमा राष्ट्रपति पौडेल र कतारका अमिरबिच भेटवार्तामा भए यस्ता छलफल
प्रतिकृया दिनुहोस