राष्ट्रपति भण्डारीले पुनर्विचार गर्न पठाएकाे नागरिकता विधेयक प्रतिनिधि सभाबाट हुबहु पारित
- गाउँ सहर संवाददाता
- २ भदौ बिहीबार, २०७९ | २१:२१:०० मा प्रकाशित
काठमाडौं । नागरिकता विधेयक पारित भएको छ । राष्ट्रपति विद्यादेवी भण्डारीले सन्देशसहित फिर्ता पठाएको विधेयकमा छलफल गर्दै प्रतिनिधि सभामा बहुमतले पारित भएको हो ।
प्रतिपक्षी दल नेकपा (एमाले)ले ध्वनीमतबाट नभई मतविभाजनबाट टुंग्याउन माग गरेको थियो । सोही अनुसार मतविभाजनबाट पारित भएको हो ।
जम्मा १९५ सांसद उपस्थित भएकाेमा नागरिकता विधेयक पारित गर्ने पक्षमा १३५ सांसदले मत दिएका थिए भने विपक्षमा ६० सांसदले मत दिएका थिए ।
विधेयक प्रतिनिधि सभा र राष्ट्रिय सभाबाट पारित गरेर प्रमाणिकरणका लागि पठाइएको थियो । विधेयक राष्ट्रिय सभाबाट साउन १२ गते पारित भएको थियो ।
राष्ट्रपति भण्डारीले पुनर्विचार गर्न भन्दै साउन २९ गते संसद्मा फिर्ता पठाएकी थिइन् ।
विशेषगरी एमालेले वैवाहिक अंगीकृत नागरिकतामा ७ वर्षे प्रावधान राख्न माग गर्दै आएको छ । आजको बैठकमा विधेयकमाथिको छलफलका क्रममा सांसदहरूले नेपाली पुरुषसँग विवाह गरेर आउने विदेशी महिलाको हकमा तुरुन्तै नागरिकता नदिन प्रावधान राख्न माग गरेका थिए ।
प्रतिपक्षी दलका प्रमुख सचेतक विशाल भट्टराईले ७ वर्षे प्रावधान राख्दा के बिग्रन्छ ? भन्दै प्रश्न गरेका थिए ।
सांसदहरूले उठाएको प्रश्नको जवाफ दिने क्रममा गृहमन्त्री बालकृष्ण खाँणले व्यवस्था नै नभएको विषयमा धेरै चर्चा भएको बताए । संविधानको व्यस्था अनुसार नै विधेयक ल्याइएको उनको भनाइ थियो ।
अब उक्त विधेयक संघीय संसदको माथिल्लो सदन राष्ट्रिय सभामा पठाइने छ । राष्ट्रिय सभावाट पारित भएपछि पुन: राष्ट्रपतिकहाँ प्रमाणीकरणका लागि पठाइने छ। यस पटक राष्ट्रपतिले फिर्ता पठाउने पाउने छैनन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शीतल निवासमा राष्ट्रपति पौडेल र कतारका अमिरबिच भेटवार्तामा भए यस्ता छलफल
- समयमा काम सम्पन्न नगर्ने पप्पु कन्स्ट्रक्सनसहित निर्माण २९ कम्पनी कालो सूचीमा
- उच्च प्राथमिकतामा कतारी राजाको भ्रमण, स्वागतमा राष्ट्रपति, यस्ताे छ तयारी
- पहाडी भेगमा आंशिक बदली, केही स्थानमा हुरीबतासको सम्भावना
- सन्दीप लामिछानेको मुद्दा ‘हेर्न नभ्याइने’मा
- कतारका राजा आउने भएकाले भोलि सार्वजनिक बिदा
- दिवङ्त आफन्तहरुको संझनामा बौद्ध स्तुपमा तेमाल जात्रा
- सन्दीपको पुनरावेदनमा सुनुवाइ आज
- आ..हा... कालिञ्चोक ! (शब्द तस्बिर)
- सेयर बजार बढ्यो दोहोरो अंकले
प्रतिकृया दिनुहोस