गाउँ सहर

म्यासेन्जरमा अश्लील कुरा गरेर पैसा असुल्ने दम्पती प्रहरी फन्दामा

काठमाडाैं । हनि ट्रयापमा पारेर रकम असुलेको आरोपमा एक दम्पती पक्राउ परेका छन् । एउटै व्यक्तिसँग दोस्रोपटक रकम लिन लाग्दा उनीहरू पक्राउ परेका हुन् ।

पक्राउ पर्नेमा सोलुखुम्बुको नेचासल्यान गाउँपालिका ३ बतासेका २४ वर्षीय शेखर बास्तोला र २० वर्षीया रोजिन राउत हुन् ।

उनीहरु हाल भक्तपुरको बालकोट बस्दै आएका छन् । रोजिनाले पुरुषलाई फ्रेन्ड रिक्वेस्ट पठाउने र साथी बनाइसकेपछि म्यासेन्जरमा अश्लील कुरा गर्ने गरेको पाइएको छ । 

त्यसरी पुरुष व्यक्तिसँग अश्लील कुरा गरेपछि रकम माग गर्ने र नभए मुद्दा दायर गर्ने धम्की दिएर रकम असुल्ने गरेको खुलेको छ । 

शेखर भने साइबर ब्युरोको प्रहरी निरीक्षक हुँ भन्दै रोजिनासँगको कारोबार मिलाउन नभए पक्राउ गरेर कारबाही अगाडी बढाउने डर देखाउने गरेको खुलेको छ । 

 

गाउँ सहर संवाददाता