प्रधानमन्त्री देउवा र भारतीय प्रधानमन्त्री नरेन्द्र मोदीले भर्चुअल माध्यमबाट शनिबार रेल उद्घाटन गर्ने
- गाउँ सहर संवाददाता
- १५ चैत मंगलबार, २०७८ | १६:३९:०० मा प्रकाशित
काठमाडाैं । कुर्था–जयनगर क्षेत्रमा सञ्चालन हुने रेलको शनिबार उद्घाटन हुने भएको छ । शुक्रबार भारत भ्रमणमा जान लागेका प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीले भर्चुअल माध्यमबाट रेलको उद्घाटन गर्ने भएका हुन् ।
रेल्वे कम्पनीका महाप्रबन्धक निरञ्जन झाले आर्थिकन्युज डटकमसंग भने, ‘शनिबार नेपालका प्रधानमन्त्री देउवा र भारतका प्रधानमन्त्री मोदीले भर्चुअल माध्यमबाट रेलको उद्घाटन गर्ने मिति तय भएको छ । उक्त अवसरमा जनकपुरमा एक कार्यक्रम हुनेछ । जसमा भारतीय पक्षका प्रतिनिधि र भौतिक पूर्वाधार तथा यातायत मन्त्री रेणुकुमारी यादवको उपस्थिती हुनेछ ।’
उनका अनुसार उद्घाटनपछि कुर्था–जयनगर रेल सेवाको नियमित सञ्चालन हुनेछ । फागुन १ गतेदेखि जनकपुरधामको कुर्थादेखि भारतको जयनगरसम्म दिनको एक पटक रेल बिना यात्रु ‘ड्राइ रन’ भइरहेको छ । लामो समयदेखि नचलाई राखेको हुनाले दिनको एक पटक ‘ड्राइ रन’ गराइएको हो । नेपालका प्रधानमन्त्री देउवा र भारतीय प्रधानमन्त्री मोदीले सयुक्तरुपमा उद्घाटन गरेपछि यात्रुसहित नियमित रेल सञ्चालन गरिने उनको भनाई रहेको छ ।
उनले जयनगर–कुर्था मार्गमा यात्रु सहित नियमित रेल सञ्चालनका लागि सबै तयारी पूरा भएको बताए । उनले भने, ‘हाम्रो पक्षबाट सबै तयारी पुरा भएको छ । नेपाल–भारत दुवै देशका प्रधानमन्त्रीले उद्घाटन गरेपछि यात्रु सहित नियमित रेल गुडाउने भनिएको छ । उद्घाटन भएपछि यात्रुसहित नियमित रेल सञ्चालन हुन्छ ।’
महाप्रबन्धक झाका अनुसार रेल सञ्चालनका लागि कानुन, बजेट, एसओएस, प्राविधिक र आवश्यक कर्मचारीलाई तालिम दिइएको छ । रेल सञ्चालनका लागि ६० जना कर्मचारीलाई भारतीय प्राविधिक र रेलका कर्मचारीले तालिम दिएका हुन् । कुर्थादेखि जयनगरसम्म चल्ने रेल्वे सेवाको भाडासमेत तय भइसकेको छ । कुर्था–जयनगरसम्म सामान्यमा ७० रुपैयाँ भाडादर कायम गरिएको छ भने एअर कन्डिसन (एसी) सहितमा प्रतिव्यक्ति दुई सय रुपैयाँ भाडा निर्धारण गरिएको छ ।
उक्त रेलमा १२०० देखि १३०० जनासम्म यात्रु बसेर र उभिएर गरी यात्रा गर्न सक्ने रेल विभागले जनाएको छ । यात्रुबाहक रेल भएकाले यात्रुको झोला र सामान्य सामान मात्रै राख्न सकिने कम्पनीले जनाएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस