अर्थतन्त्र

भर्नुस् है छुट्ला इमर्जिङ नेपालको आइपीओ, कति दिने आवेदन ?

काठमाडौं । इमर्जिङ नेपालले साधारण सेयर (आइपीओ) निष्काशन गरेको छ ।

कम्पनीले प्रतिकित्ता १०० रुपैयाँका दरले ५ लाख ५५ हजार ६०० कित्ता आइपीओ बिक्री गर्न लागेको हो । जसमा ११ हजार ११२ कित्ता कर्मचारी र २७ हजार ७८० कित्ता म्युचुअल फन्डका लागि छुट्याएको छ । बाँकी ५ लाख १६ हजार ७०८ कित्ताका लागि सर्वसाधारण लगानीकर्ताले आवेदन दिन सक्नेछन् । यसमा न्यूनतम १० देखि अधिकतम १ हजार कित्तासम्म आवेदन दिन सकिनेछ ।

आइपीओमा फागुन १ गतेसम्म आवेदन दिन सकिने छ । उक्त समयसम्म सबै बिक्री नभएमा फागुन ११ गतेसम्म खुला रहनेछ । लगानीकर्ताले सी–आस्वा सदस्यता प्राप्त बैंक तथा वित्तीय संस्था तथा मेरो सेयरमार्फत आवेदन दिन सक्नेछन् । यसको बिक्री प्रबन्धकमा एनआइसी एसिया क्यापिटल रहेको छ ।

आईपीओ निष्काशनका लागि गराएको क्रेडिट रेटिङ्गमा इक्रा रेटिङ्ग नेपालले कम्पनीलाई इक्रा एनपी आईआर डबल बि प्लस रेटिङ्ग प्रदान गरेको छ। यसले समयमै वित्तीय दायित्व पुरा गर्न सक्ने सम्बन्धमा मध्यम जोखिम रहेको संकेत गर्दछ।

हाल कम्पनीको चुक्ता पूँजी ५० करोड ४० हजार रुपैयाँ छ। आईपीओ बाँडफाँटपश्चात कम्पनीको चुक्ता पूँजी ५५ करोड ५६ लाख रुपैयाँ पुग्नेछ।

गाउँ सहर संवाददाता

तपाईँको मत