काेभिडका कारण आन्तरिक हवाई उडानमा यात्रुहरूको चाप घटेसँगै उडानमा कटौती
- गाउँ सहर संवाददाता
- १२ माघ बुधबार, २०७८ | ११:४८:०० मा प्रकाशित
काठमाडाैं । अहिले हवाई यात्रुहरूको चाप घटेको छ । कोरोना महामारी बढेसँगै हवाई यात्रुहरूको चाप घटेको हाे । आन्तरिक हवाई उडानमा यात्रुहरूको चाप पहिलेको तुलनामा २५ प्रतिशतले घटेको बुद्ध एयरका प्रवक्ता रुपेश जोशीले जानकारी दिएका छन् ।
जाेशीका अनुसार स्वास्थ्य सुरक्षाका मापदण्ड अपनाएर सेवा दिइरहेको ‘अहिले यात्रुहरूको चाप पनि घटेको छ । हामीले स्वास्थ्य सुरक्षा मापदण्ड अपनाएर सेवा दिइरहेको छौँ । खोप कार्डलाई पनि अनिवार्य गरेका छौँ ।’ प्रतिदिन ७० देखि ८० उडान भर्ने गरेको बुद्ध एयरले अहिले दैनिक ५५ देखि ६० उडान भर्ने गरेको उनले बताए ।
हाल यात्रुहरूको चाप धेरै घटेको वायु सेवा सञ्चालक संघका प्रवक्ता योगराज कँडेलले जनाए । उनका अनुसार ‘एउटा हेलिकप्टरले तीन दिनमा एउटा उडान भरिरहेको छ । मान्छेहरू पनि हिँडेका छैनन् । विवाहका लागि अलि अलि मान्छेहरू हिँडेका छन् । अति आवश्यक काममा लागि हिँड्ने यात्रुहरू केही छन् । नत्र मान्छे नै छैनन् । ४० प्रतिशत जति यात्रुहरू विवाहका लागि हिँडेका छन् ।’
अहिले हवाई उडानमा ५० प्रतिशत पनि यात्रु छैनन् । दिवा उडानमा यात्रु नभए पछि रात्रि उडान पनि भरिएको छैन । त्यस्तै उनले यात्रुहरूको सेवा सुविधाका लागि स्वास्थ्य मापदण्ड पालना गरेको बताए उनले भने, ‘हामीले यात्रुहरूको सेवा सुविधाका लागि स्वास्थ्य मापदण्ड पालना गरेका छौ । खोप कार्ड चेक गरेका छौँ । यात्रुहरूको निगरानी राखेका छौँ । एयरपोर्टमा पनि भिडभाड नहुने गरी सामाजिक दुरी कायम गरी सेवा सुविधा दिइरहेकाे कँडेलले जानकारी दिएका छन् ।
यात्रुहरूको सामानहरूमा समेत स्यानिटाइज गर्ने गरेको उनले बताए । यात्रु र कर्मचारीहरू बिचमा भौतिक दुरी कायम गर्दै सेवा दिइरहेका छौ । साथै यात्रुहरूलाई स्यानिटाइजर पनि उपलब्ध गराउने गरेका छौ । त्यस्तै उडान सकिएपछि जहाजमा स्यानिटाइज पनि गर्ने गरेका छौँ । यात्रु ओसार पसार गर्ने गाडीमा सीमित यात्रु राख्ने गरिएको छ कँडेलले जानकारी दिए ।
उनका अनुसार हाल प्लेन र हेलिकप्टर गरी दैनिक ८० उडान हुने गरेको छ । ‘दैनिक डेढ सय उडान भर्ने गरेकोमा अहिले मुस्किलले ८० उडान हुन्छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस