खल्ती र तिलाठी कोइलाडी गाउँपालिकाबीच किसानको कृषि मिटरको भुक्तानी गर्न सम्झौता
- गाउँ सहर संवाददाता
- १० पौष शनिबार, २०७८ | १७:०२:०० मा प्रकाशित
राजविराज । नेपालको अनलाइन भुक्तानी सेवा प्रदायक खल्ती र तिलाठी कोइलाडी गाउँपालिकाबीच साझेदारी भएको छ । जसअनुसार कोइलाडी क्षेत्रमा रहेका करिब साढे चार हजार किसान परिवारलाई आर्थिक अनुदानस्वरुप सिंचाइ र कृषि प्रयोजनमा विद्युतीय उपकरण प्रयोग गरेबापत किसानको कृषि मिटर महसुल तथा घरको बिजुलीको महसुल तिर्ने भएको हो ।
सप्तरी जिल्लाको दक्षिणपूर्वी भेगस्थित तिलाठी कोइलाडी गाउँपालिकामा यसअघि सिंचाइ र खेतीका लागि किसानले अधिकतम शुल्क पर्ने डिजल उपकरण प्रयोग गरिरहेका थिए । खल्तीसँगको साझेदारीमा आर्थिक अनुदान कार्यान्वयनमा आएपछि न्यूनतम शुल्कमा आधुनिक प्रविधि प्रयोग गरी विभिन्न कृषिजन्य कामका लागि विद्युतीय उपकरणहरु प्रयोग गर्न सक्नेछन् ।
यस योजनाअन्तर्गत तिलाठी कोइलाडी गाउँपालिकाले कृषि मिटरको लागि प्रतिघर वार्षिक एक हजार २०० रुपैयाँ अनुदान दिनेछ । त्यस्तै बिजुलीको महसुलस्वरुप प्रतिघर प्रतिमहिना ५० रुपैयाँ पचास अनुदान दिइने खल्तीले जनाएको छ। उक्त योजनाअन्तर्गतको नगद अनुदान खल्तीले डिजिटल प्रविधिबाट भुक्तानी गर्नेछ ।
‘यस योजना गाउँपालिकामा पहिलोपटक हुन लागेको हो। योजनाले गाउँपालिकाका विपन्न बस्तीका सम्पूर्ण किसानहरुको जीविकोपार्जनमा टेवा पुर्याउने विश्वास लिएका छौं’, तिलाठी कोइलाडी गाउँपालिकाका अध्यक्ष सतिष सिंहले भने, ‘यस्ता कार्यक्रमले किसानको आर्थिक उन्नतिसमेत हुनेछ। यसैले यस्ता कार्यक्रमको निरन्तरता हुन जरुरी छ । यस्तै खालका अरु कार्यक्रमहरु पनि हामी आगामी दिनमा ल्याउनेछौं ।’
खल्तीका प्रमुख कार्यकारी अधिकृत विनय खड्काले डिजिटल नेपालको सपना बोकेको खल्ती डिजिटल वालेट तिलाठी कोइलाडी गाउँपालिकासँग हातेमालो गरेर त्यहाँका किसानहरुलाई प्रोत्साहन गर्न निकै नै उत्साहित रहेको प्रतिक्रिया दिए । ‘यसका साथै किसानलाई लक्षित गरी अन्य अनुदानका कार्यक्रम बढाउन सरकारी निकायहरुलाई आग्रह गर्न चाहन्छु’, उनले भने ।
२० लाखभन्दा बढी प्रयोगकर्ताहरु भएको खल्तीले विगत चार वर्षअघिदेखि नेपाली समाजलाई डिजिटाइज गर्न निरन्तर रुपमा योगदान पुर्याउँदै आएको छ ।
खल्ती वालेटको प्रयोग गरी ६० भन्दा बढी बैंकहरुमा पैसा पठाउन सकिन्छ । साथै मोबाइल रिचार्ज, बिजुली, पानी, इन्टरनेट तथा टिभीको बिल भुक्तानी, फिल्म, प्लेन, फोहोर व्यवस्थापन शुल्क, ई–कमर्समार्फत किनिएको सामानको भुक्तानी गर्ने, सरकारी कर तथा सेवा शुल्क तिर्ने जस्ता धेरै सेवाहरु खल्तीबाट लिन सकिन्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस