प्रेरक प्रसंग : तीन सन्त
- गाउँ सहर डेस्क
- ७ पौष बुधबार, २०७८ | ०७:००:०० मा प्रकाशित
एकदिन साँझपख एउटी महीलाले तीनजना सन्तलाई आफ्नो घर छेउमा देखीन्। ती महिलाले ती तीन सन्तलाई भनिन् - “तपाईहरु हाम्रो घरमा आई भोजन गरेर हामीमाथि कृपा गर्नुहोस् ।”
तर तीन सन्तमध्ये एकले भने - “हामी कुनै पनि घरमा एकसाथ तीनैजना जान सक्दैनौ ।”
“किन नि ?” महिलाले आश्चर्य मान्दै सोधिन् ।
एकजना सन्तले भने - “मेरो नाम धन हो । मसँगैका साथीहरु सफलता र प्रेम हुन् । हामीमध्ये कुनै एक जना मात्र तपाईँको घरमा गएर भोजन गर्न सक्छौँ । त्यसैले तपाईँ घर सल्लाह गरेर हामीमध्ये एक जनालाई भित्र लगेर भोजन गराउनुहोस् ।”
महिला भित्र गएर आफ्नो पति र छोरीलाई सबै कुरा सुनाईन् । पतिले खुशी भएर भने - “त्यसो हो भने हामी धनलाई बोलाउँ अनि हाम्रो घर सुखी हुन्छ ।”
पत्नीले भनिन् -“हामी धन भन्दा पनि सफलतालाई बोलाउँ ।”
उनीहरुको कुरा सुनेर छोरीले भनिन् - “हामी धन र सफलतालाई भन्दा पनि प्रेमलाई बोलाउँ किनभने प्रेमभन्दा ठूलो कुरा अरु केही हैन ।”
छोरीको कुरा सुनेर महिला र उसको पतिलाई चित्त बुझ्यो ।
महिला घर बाहिर गई र सन्तहरुलाई भनिन्- “तपाईँहरुमध्ये जसको नाम प्रेम हो, उहाँ कृपा गरेर हाम्रो घरभित्र आई भोजन ग्रहण गरिदिनुहोला ।”
प्रेम सन्त उनीहरुको घरभित्र गए । तर साथसाथै अन्य दुई सन्त पनि पछि पछि घरभित्र गए ।
महिलाले आश्चर्यपूर्वक भनिन्- “मैले त प्रेमलाई मात्र बोलाएकी थिएँ ।”
ती सन्तमध्ये एकले भने - “यदि तपाईँले धन र सफलतामध्ये कुनै एकलाई निम्त्याउनु भएको भए एकजना मात्र भित्र जान्थ्यो । तर तपाईँले प्रेमलाई निम्त्याउनु भयो । प्रेमले कहिल्यै एक्लै यात्रा गर्दैन । प्रेम जहाँ जहाँ जान्छ, धन र सफलता पनि उसँगै पछिपछि जान्छन् ।”
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस