वायु प्रदूषणले मुटुलाई कमजोर बनाउँछ, उच्च रक्तचाप र मिर्गौलाका बिरामी बढी जोखिममा
- गाउँ सहर डेस्क
- २२ कार्तिक सोमबार, २०७८ | १५:४८:०० मा प्रकाशित
काठमाडाैँ । हालसम्म भएका धेरै अनुसन्धानमा वायु प्रदूषणले मुटुसम्बन्धी रोगको जोखिम बढाएको बताइसकेका छन् । अमेरिकामा हालै गरिएको अनुसन्धानले यसबारे अर्को जानकारी दिएको छ । अन्वेषकहरू भन्छन् कि यदि बिरामी मिर्गौलाको रोगी हो र उच्च रक्तचापबाट पनि पीडित छ भने वायु प्रदूषणले उसको मुटुलाई अझ कमजोर बनाउन सक्छ ।
अमेरिकन सोसाइटी अफ नेफ्रोलोजी किडनी वीक–२०२१ मा बिहीबार यो दाबी गरिएको हो । शोधकर्ताहरूका अनुसार वायु प्रदूषणको प्रत्यक्ष सम्बन्ध मुटुसम्बन्धी रोगसँग हुन्छ । यदि हामीले वायु प्रदूषणबाट आफूलाई बचाउने हो भने हृदय रोगको जोखिम धेरै हदसम्म कम गर्न सकिन्छ ।
उच्च रक्तचापबाट पीडित मिर्गौलाका बिरामीमा ग्लाइसिन–३ को मात्रा बढेको अनुसन्धानकर्ताहरूले बताएका छन् । यो प्रत्यक्ष रूपमा वायु प्रदूषणसँग सम्बन्धित छ । जसका कारण मुटु भित्री रुपमा कमजोर हुन्छ ।
एक हजार १९ जना बिरामीमा गरिएको अनुसन्धानले यस्ता बिरामीमा मायोकार्डियल फाइब्रोसिस हुने गरेको पाइएको छ । सजिलो भाषामा बुझ्नुपर्दा मुटु कमजोर हुन थाल्छ । यसले हृदयघात वा मृत्यु पनि निम्त्याउन सक्छ ।
कसरी मुटु स्वस्थ राख्ने ?
हरेक दिन शारीरिक व्यायाम गर्नुपर्छ । व्यायाम स्वस्थ जीवनकाे लागि अपरिहार्य छ । खानपानमा विशेष ध्यान दिनुपर्छ । खानामा नुन र बाेसाेकाे मात्रा कम गर्नुपर्छ । यस्तै व्यायाम गर्न नसके याेग वा वाक अनिवार्य रहन्छ । धूमपान, मदिरापानजस्ता कुलतले बिरामी बढाउँछ, तुरून्त राेक्नुपर्छ । तनाव कम लिने र निन्द्रा पुर्याउनु अर्काे महत्वपूर्ण पक्ष हाे ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस