थाइल्यान्डद्वारा कोभिड–१९ को ‘कम जोखिम’ मा रहेका ६३ देशका पर्यटकहरूलाई प्रवेश अनुमति
- एजेन्सी
- १७ कार्तिक बुधबार, २०७८ | ०९:११:०० मा प्रकाशित
बैंकक । डेढ वर्षको प्रतिबन्ध फुकुवा गर्दै थाइल्यान्डले विश्वका ६ दर्जनभन्दा बढी मुलुकका पर्यटकलाई प्रवेश अनुमति दिएको छ । थाई अधिकारीहरूका अनुसार कोभिड–१९ को ‘कम जोखिम’ मा रहेका ६३ देशका पर्यटकहरूलाई प्रवेश अनुमति दिएको हो ।
प्रवेश अनुमति पाउने देशको सूचीमा नेपालसमेत रहेको जनाइएको छ ।
प्रतिबन्ध खुला भएसँगै थाइल्यान्डमा दैनिक दसौं हजार पर्यटकले भ्रमण गर्ने अपेक्षा गरिएको छ । भ्रमणका लागि कोभिडविरुद्धको खोप लगाएको हुनुपर्ने र उनीहरूका लागि होटल क्वारेन्टाइन पनि हटाइएको बीबीसीले जनाएको छ ।
अधिकारीहरूका अनुसार थाइल्यान्ड भ्रमण गर्न चाहने पर्यटकहरूले खोप लगाएको प्रमाणपत्र र ७२ घण्टाभित्र गरिएको पीसीआर परीक्षणको नेगेटिभ रिपोर्ट देखाउनुपर्नेछ ।
थाइल्यान्ड प्रवेश गरेपछि भने सुरुमा अग्रिम बुकिङ गरिएको होटलमा बस्नुपर्ने र त्यहाँ कोभिड परीक्षण गरेपछि मात्र अन्यत्र जान दिइनेछ । त्यसक्रममा कोभिड पोजिटिभ देखिएमा भने क्वारेन्टाइनमा बस्नुपर्ने जनाइएको छ ।
थाइल्यान्डमा पछिल्लो समय दैनिक सरदर १० हजार जनामा कोभिडको संक्रमण पुष्टि हुने गरेको छ । त्यहाँका करिब ४२ प्रतिशत मानिसले खोपको पूर्ण मात्र लिइसकेका जनाइएको छ ।
पयर्टन क्षेत्रका अगुवाहरूले भने सरकारको पछिल्लो निर्णयलाई स्वागत गरेका छन् ।
एजेन्सी
सम्पूर्ण देशका मुख्य समाचार संस्थाहरू ।
- ताइवानमा ६.३ म्याग्निच्युडको भूकम्प
- १ हजार करोड खर्च गरेर अनन्त अम्बानी चाँडै राधिका मर्चेन्टसँग विवाह गर्दै
- तीर्थयात्री बोकेको ट्र्याक्टर पोखरीमा खस्दा २२ जनाको मृत्यु
- विश्वव्यापी वृद्धिको पूर्वानुमानित लक्ष्य प्राप्ति गरेपनि अझै सम्भावित जोखिमप्रति सचेत हुन आवश्यक
- बंगलादेशमा संसदको ३०० निर्वाचन क्षेत्रमध्ये २९९ सिटका लागि आज मतदान
- गाजा पट्टीमा इजरायली हमलामा मृत्यु हुने प्यालेस्टाइनीको सङ्ख्या २२ हजार ६००
- स्वीडेनमा २५ वर्ष यताकै बढी चिसो
- जलवायु परिवर्तन : विकासोन्मुख मुलुकहरू सबैभन्दा बढी प्रभावित
- संयुक्त राष्ट्रसङ्घद्वारा इजरायल र हमासबीचको द्वन्द्वमा दुवै पक्षबाट युद्ध अपराध भइरहेकामा चिन्ता व्यक्त
- क्यानाडाले भारतबाट ४१ कूटनीतिज्ञ र उनीहरूको परिवारका ४२ सदस्यलाई फिर्ता बोलायाे
प्रतिकृया दिनुहोस