सुरक्षा पालुवा र बाघमारा सहकारीका साधारणसभा साप्ताहव्यापी रुपमा
- गाउँ सहर संवाददाता
- २३ भदौ बुधबार, २०७८ | २१:५३:०० मा प्रकाशित
पोखरा । पोखरा महानगरपालिका वडा नं ३३ मा प्रधान कार्यालय रहेका सुरक्षा पालुवा बहुउद्देश्यीय सहकारी संस्था लिमिटेड र बाघमारा बहुउद्देश्यीय सहकारी लिमिटेडका यसपटकका वार्षिक साधारण सभा साप्ताहव्यापी रुपमा हुने भएका छन् ।
कोरोना महामारीका कारण सुरक्षा पालुवाको १५ औं वार्षिक साधारण सभा र बाघमारा सहकारीको नवौं वार्षिक साधारण सभा तथा चौथो अधिवेशन साप्ताहव्यापी रुपमा हुने भएका हुन् ।
पोखरा महानगरपालिका वडा नं ३३ भरतपोखरीको कालिकास्थानमा प्रधान कार्यालय रहेको सुरक्षा पालुवा बहुउद्देश्यीय सहकारी संस्था लिमिटेडले आश्विन ३ गते संविधान दिवसका दिन सुरु गरी वार्षिक प्रतिवेदन, लेखा समितिको प्रतिवेदन, कोषाध्यक्षको प्रतिवेदन पायक पर्ने शाखाबाट शेयर सदस्यले बुझिलिएर सुझाव दिनसक्ने व्यवस्था गरेको संस्थाका अध्यक्ष टुल्कनाथ आचार्यले जानकारी दिए । पोखरा ३३ कालिकास्थानमा प्रधान कार्यालय सहित पाँचवटा सेवा केन्द्र सञ्चालनमा छन् ।
यसैगरी पोखरा महानगरपालिका वडा नं ३३ भरतपोखरीको भगवती चौतारामा प्रधान कार्यालय रहेको बाघमारा बहुउद्देश्यीय सहकारी लिमिटेडको नवौं वार्षिक साधारण सभा तथा चौथो अधिवेशन समेत रहेको छ । कार्यक्रमको उद्घाटन आश्विन ३ गते संविधान दिवसका दिन प्रधान कार्यालयबाट हुने सहकारीका अध्यक्ष डिल्लीराम बरालले बताए । कोरोना महामारीको जोखिमीलाई दृष्टिगत गर्दै साधारणसभा तथा चौथो अधिवेशनका कार्यक्रम भर्चुअल रुपमा समेत सञ्चालन गरिने उनले जानकारी दिए । बाघमारा बहुउद्देश्यीय सहकारीको पोखरा १७ मा विरौटा सेवा केन्द्र सञ्चालनमा रहेको छ । दुवै सहकारीका साधारणसभाका समापन भने असोज ९ गते हुने बताइएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस