अर्थतन्त्र

नेप्से परिसूचक कीर्तिमान कायम गर्दै उँभाे उँभाे, काराेबार पनि २१ अर्बमाथि

काठमाडाैं । नेप्से परिसूचकले नयाँ कीर्तिमान कायम गर्दै उकालाे यात्रामा देखिएकाे छ । बुधबार ऐतिहासिक बिन्दु पुगेको छ ।

नेप्से परिसूचक २८.२८ अंकले बढेर ३१९८.६० अंकमा पुगेको छ ।

यस दिन कारोबार रकम २१ अर्ब ३१ करोड रुपैयाँभन्दा माथि पुगेको छ । यसअघि नेप्सेमा २१ अर्ब ५३ करोड रुपैयाँसम्मको शेयर कारोबार भएको थियो । बुधबार २१ अर्ब ३१ करोड ३४ लाख ८९ हजार २६९ रुपैयाँ बराबरको ३ करोड ६५ लाख ९ हजार ७५१ कित्ता शेयर कारोबार भएको छ ।

यो दिन १३१ वटा कम्पनीको सेयर मूल्य बढेको छ भने ८५ वटा कम्पनीको सेयर मूल्य ओरालो लागेको छ । साथै १२ वटा कम्पनीको सेयर मूल्य स्थिर छ ।

विकास बैंक ५.५५ र फाइनान्सको इन्डेक्स ४.८७ प्रतिशतले बढेका छन् । उत्पादन तथा प्रशोधन ३.५५, जलविद्युत १.३५, लगानी सूचक १.४२ प्रतिशतले बढेको छ । म्युचुअल फण्डको सूचक १.३९ प्रतिशतले घट्दा ब्यापार सूचक पनि सामान्य घटेको छ ।

यसदिन अरुण भ्याली हाइड्रोपावर, अरुण कावेली हाइड्रोपावर, शिवम सिमेन्ट्स र जिवन विकास लघुवित्तको शेयरमूल्य सबैभन्दा धेरै बढेको छ ।

एनआइविएल प्रगति फण्ड, आरएसडिसि लघुवित्त, खानिखोला हाइड्रोपावर र आरएमडिसि लघुवित्तको शेयरमूल्य घटेको छ ।

सबैभन्दा धेरै ७८ करोड ८६ लाख रुपैयाँ बराबरको शेयर कारोबार भएको छ ।

गाउँ सहर संवाददाता