राजनीति

कांग्रेसकाे वडा अधिवेशन भदौ १८, मंसिर ९ गते केन्द्रीय महाधिवेशन

काठमाडौं । नेपाली कांग्रेसको १४ औं महाधिवेशन आउँदो मंसिरमा हुने भएको छ ।

शनिबार केन्द्रीय समिति बैठकले मंसिर ९ देखि १३ गतेसम्म केन्द्रीय महाधिवेशन गर्ने निर्णय गरेको केन्द्रीय सदस्य मीन विश्वकर्माले जानकारी दिए ।

केन्द्रीय समिति बैठकको निर्णय अनुसार अब भदौ २ गतेसम्म क्रियाशील सदस्यको अन्तिम नामावली बुझाउने समय तोकिएको छ । त्यस्तै भदौ २ गते नै निर्वाचन निर्देशिकालाई अन्तिम रुप दिने कांग्रेसको कार्यतालिका छ ।

वडा अधिवेशन भदौ १८, गाउँ तथा नगर अधिवेशन भदौ २७, प्रदेश निर्वाचन क्षेत्रको अधिवेशन असोज १, संघीय निर्वाचन क्षेत्रको अधिवेशन असोज ५, जिल्ला अधिवेशन असोज १० र प्रदेश अधिवेशन कात्तिक १० देखि १२ गतेसम्मका लागि तोकिएको छ ।

प्रस्तावित कार्यतालिका

- गाउँ, नगर वडा अधिवेशन (२०७८ भदौ १८ गते)

- गाउँ, नगरपालिका अधिवेशन (२०७८ भदौ २७ गते)

- प्रतिनिधिसभा क्षेत्रीय अधिवेशन (२०७८ असोज १ गते)

- प्रतिनिधिसभा क्षेत्रीय अधिवेशन (एक मात्र प्रतिनिधिसभा निर्वाचन क्षेत्र भएको जिल्ला अधिवेशन (२०७८ असोज ५ गते)

- एकभन्दा बढी प्रतिनिधिसभा निर्वाचन क्षेत्र भएको जिल्ला अधिवेशन (२०७८ असोज १० गते)

- प्रदेश अधिवेशन (कात्तिक १०, ११ र १२ गते)

- केन्द्रीय महाधिवशेन (२०७८ मंसिर ९ गतेदेखि सुरु)

गाउँ सहर संवाददाता