अर्थतन्त्र

लघुवित्त वित्तीय संस्थाहरुको निरीक्षण तथा सुपरिवेक्षण सम्बन्धी वार्षिक प्रतिवेदनले के भन्छ ?

काठमाडाैँ । लघुवित्त वित्तीय संस्थाहरुको निरीक्षण तथा सुपरिवेक्षण सम्बन्धी वार्षिक प्रतिवेदन आर्थिक वर्ष २०७६/७७ नेपाल राष्ट्र बैंकले सार्वजनिक गरेको छ ।

प्रतिवेदनले २०७६ असार मसान्तमा ९० वटा संस्था रहेकोमा आर्थिक वर्ष २०७६/७७ मा ११ वटा संस्था मर्ज वा एक्वीजिशनमा गएको र थप ५ वटा संस्थाले वित्तीय कारोवार गर्ने स्वीकृति पाएकोले ८४ वटा लघुवित्त वित्तीय संस्था कायम भएको उल्लेख गरेकाे छ ।

८४ वटा लघुवित्त वित्तीय संस्थाहरु मध्ये ४४ वटा राष्ट्रियस्तरका र ४० वटा प्रदेश वा जिल्लास्तरका, २ वटा  सर्वसाधारणहरुबाट निक्षेप स्वीकार गर्ने र ८२ वटा सर्वसाधारणहरुबाट निक्षेप स्वीकार नगर्ने, ४ वटा थोक कर्जा कारोवार गर्ने र ८० वटा खुद्रा कारोवार गर्ने संस्थाहरु रहेका छन् ।

२०७७ असार मसान्तसम्ममा ८४ वटा लघुवित्त वित्तीय संस्थाले ३,९४६ शाखा कार्यालय मार्फत सेवा प्रदान गर्दै आएको छ । उक्त संस्थाहरुको केन्द्र संख्या ३ लाख १० हजार ८ सय ९५, समूह संख्या १० लाख ३९ हजार ६ सय ९६ रहेको छ भने ४६ लाख ८६ हजार ६ सय ९ सदस्य तथा २७ लाख ८३ हजार १ सय २९ ऋणी संख्या पुगेका छन् । यी लघुवित्त वित्तीय संस्थाहरुले ७७ जिल्लामा सेवा पु-याएका छन् । लघुवित्त संस्थाहरुमा १९ हजार १७ जना कर्मचारीहरु कार्यरत रहेका छन् । लघुवित्त वित्तीय संस्थाहरुको प्रतिशाखाले औसतमा १,१८८ सदस्यहरुलाई सेवा दिइरहेको प्रतिवेदनमा उल्लेख छ ।

पूर्ण प्रतिवेदन यहाँ हेर्नुहाेस्

 

गाउँ सहर संवाददाता