देउवा ज्यू ! खै तपाईंकाे त्रिवि आंशिक प्राध्यापककाे दरबन्दी निर्देशन पालना भएन नि !
- गाउँ सहर डेस्क
- १६ श्रावण शनिबार, २०७८ | २१:५०:०० मा प्रकाशित
काठमाडाैँ । तत्कालीन प्रधानमन्त्री प्रचण्डको निर्देशनमा ०६५ साल असोज २१ मा शिक्षा मन्त्रालयले आंशिक समस्या समाधान गर्न सम्झौता गर्यो । तर, तुहियाइयाे । ०६६ भदौ ३१ गते तत्कालीन प्रधानमन्त्री माधवकुमार नेपालको निर्देशनमा त्रिवि र शिक्षा मन्त्रालयसँग संयुक्तरुपमा आंशिक प्राध्यापकहरुसँग सम्झौता भयो । त्यो सम्झौतापनि टेबलमूनि थन्क्याइयो ।
०७४ माघमा नेपाल सरकार मन्त्रिपरिषद् बैठकले त्रिविमा १ हजार ४ सय २० जनालाई करारमा नियुक्त गर्ने निर्णय गरेको थियाे । तत्कालिन प्रधानमन्त्री शेरबहादुर देउवा हुँदा दरबन्दी सिर्जना गरेर करारमा नियुक्त गर्ने निर्णय गरिएकाे थियाे । साेनुसार त्रिविमा १ हजार ४ सय २० दरबन्दी बढाउने प्रस्ताव मन्त्रिपरिषद् सचिवालयमा दर्ता भएकाे थियाे । तर अर्थ मन्त्रालयले राेकेकाे थियाे । त्यसपछि केहि रकम निकासासँगै सरकारकाे श्वेतपत्रमा पनि आंशिक प्राध्यापककाे समस्या समाधान गर्ने उल्लेख थियाे ।
विभिन्न सहमतिपछिकाे याे ठूलाे प्राप्ति थियाे त्रिभुवन विश्वविद्यालयका आंशिक प्राध्यापककाे । किनकी न समयमा विज्ञापन हुने, मनलागि नियुक्ति गर्ने परम्पराले गर्दा लामाे समयदेखि त्रिविमा आंशिक प्राध्यापककाे चाङ चुलिएकाे छ । पछिल्लाे समयदेखि केहि चलायमान बनेकाे सेवा आयाेगले पनि अह्राएकाे काम गर्ने भएकाे हुनाले पनि त्रिविका आंशिक प्राध्यापककाे समस्या अहिलेसम्म टुंगिएकाे छैन ।
लामाे समयदेखि आंशिक प्राध्यापकहरुसँग विविले सम्झाैता गरेपनि कार्यान्वयन नगरिँदा त्रिविका आंशिक प्राध्यापकहरुकाे अवस्था झनै दयनिय बन्दै गएकाे सबैमा छर्लंगै छ । पछिल्लाे सम्झाैता हेर्ने हाे भनेपनि ०७७ पाैष २४ गते एक सम्झाैता भएकाे थियाे । जसनुसार त्रिविमा कार्यरत कम्तिमा एक शैक्षिक सत्र पूरा गरेका आंशिक शिक्षकहरुलाई क्याम्पसको आवश्यकता, औचित्यता, जेष्ठता, निरन्तरता, अनुभव र तोकिएको पूर्णकक्षाभारको आधारमा नियमानुसार प्रक्रिया पुरा गरि त्रिवि केन्द्रीय कार्यालयको स्वीकृति र समर्थनमा क्याम्पसको आन्तरिक स्रोतबाट खर्च व्यहोर्ने गरी शिक्षण सहायक सरहको पारिश्रमिक पाउने गरी व्यवस्थापन गर्ने । यसरी व्यवस्थापन गर्दा क्याम्पसको स्रोत अपुग भएको अवस्थामा विविले व्यवस्थापन गर्ने उल्लेख गरिएकाे थियाे ।
याे सहमति पश्चात केहि काम अगाडि बढेकाे छैन तर नयाँ विज्ञापन खाेलिएकाे भने छ । यसले विविकाे साेच नै खराब देखिएकाे एक आंशिक प्राध्यापकले बताए । उनले भने, "त्रिविमा पढाउने सबैलाई करार गर्नुपर्ने हाे तर गरिएकाे छैन । यस पदाधिकारीहरूले कुनैपनि सहमति पालना गरेका छैनन् । यहि भएर अहिले विविका सेवा आयाेग, कक्षालगायत बन्द गर्न वाध्य भयाैँ ।"
याे त पछिल्ला सम्झाैतामात्र हुन विवि र आंशिक प्राध्यापकबीचकाे । ०६४ साल देखिकै समस्या अहिलेसम्म ज्यूँकातिहुँ छ । त्यसपछिका धेरै सरकार र त्रिवि पदाधिकारीहरूले कार्यान्वयन गर्ने भनेर सम्झाैतामात्र गरिरहेका छन् तर काम गरेका भने छैनन् ।
गाउँ सहर डट कमले धेरै आंशिक प्राध्यापकलाई प्रश्न गर्दा यसपटक देउवा नै सरकारकाे नेतृत्वमा पुगेकाेले उनले यसअघि दिएकाे निर्देशन पालना गर्नेमा ढुक्क देखिन्थे । प्रधानमन्त्री देउवाकाे याे अवसरपनि भएकाे उनीहरूकाे भनाइ थियाे ।
यसअघि केपी शर्मा ओलीकाे सरकारलाई पनि विज्ञप्ति जारी गरी नेपाली कांग्रेसले आंशिक शिक्षक व्यवस्थापन गर्न त्रिविमा स्वीकृत गरेको १४२० दरबन्दी कार्यान्वयन किन नगरेको ? भनेर विज्ञप्ति जारी गरेकाे थियाे । यसले केहि सकारात्मक संकेत देखिएकाे अनुमान भने गर्न सकिन्छ ।
यसैकारण अहिले विश्वविद्यालयका पदाधिकारीकाे कार्यकक्षमा तालाबन्दी छ ।
आंशिक प्राध्यापक केन्द्रीय संघर्ष समितिले माग पूरा नभएसम्म विश्वविद्यालयका पदाधिकारीहरूको कार्यकक्षमा ताला नखोल्ने चेतावनी दिएको छ । समितिले २०७४ साल देखिका सम्पूर्ण आंशिक प्राध्यापकहरुलाई करार सेवामा संलग्न नगराएसम्म तालाबन्दी जारी रहने जनाएको हो ।
यसबाट पर्न जाने प्रतिकूल परिस्थितिको जवाफदेही स्वंय विश्वविद्यालय हुने चेतावनी दिएको छ । ‘आंशिक शिक्षकहरुले लामो समयको आन्दोलन पश्चात् २०७४ सालमा नेपाल सरकारले १४२० दरबन्दी स्वीकृत गरी कार्यान्वयनका लागि पत्र पठाई सकेतापनि त्यसलाई कार्यान्वयन गरेको छैन,’ समितिका संयोजक गोकुल लिम्बू, सहसंयोजक राजेन्द्र आचार्य र प्रवक्ता ललित विष्टद्वारा हस्ताक्षरित विज्ञप्तिमा भनिएको छ, ‘२०७४ साल यता थप भएका एक शैक्षिक सत्र पूरा गरेका सम्पूर्ण आंशिक प्राध्यापकहरुलाई करार सेवामा संलग्न नगराएसम्म तालाबन्दी जारी रहने छ ।’
राज्यको सर्वाङ्गिण विकासको मेरुदण्ड दक्ष जनशक्ति उत्पादन गर्ने जेठाे विविमा यस किसिमको बेथिति देखिनु र हजारौं विद्यार्थीहरुको पठनपाठन अवरुद्ध हुनु अनि विवि मनलागि अगाडि बढ्नुले कोरोना महामारीबाट थला परेको देशलाई झन् अधोगतितर्फ धकेल्ने हुँदा समृद्ध मुलुक निर्माणको उद्देश्य बोकेको समाजवाद उन्मुख सरकारको गम्भीर ध्यानाकर्षण होस् । अघिल्ला सरकारले गरेन तर बाेलेकाे र दरबन्दी छुट्याउन निर्देशन गर्नेकाे सरकार छ अहिले उसले गराेस् र गर्नैपर्छ यदि उ सच्चा नेता हाे भने ।
याे देउवा सरकारकाे महत्वपूर्ण अवसर पनि हाे ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्राप्त प्रतिक्रिया
एउटा सचेत नागरिकले देशको कार्यकारी प्रमुखलाई सम्बोधन गरेको यो शिष्ट भाषा भएननि, त्यति त अनुसासन् पालन गर्नुपर्छ नि।
BIBI ka sixyako yo halat napara, turunta nyaya deu....jainepal.
Deuba ji aba vannu naparos, sallahakarle turunta vannos....yo samasya ati nai lamo vayo...
समाजवाद उन्मुख सरकारको गम्भीर ध्यानाकर्षण होस् ।
कति झुलाउँछाैँ अनि कति दुःख दिन्छाैँ विचरा मास्टरलाइ
याे देउवा सरकारकाे महत्वपूर्ण अवसर पनि हाे ।
देउवा जी खै त ।
याे काम तत्काल हुनु पर्छ ।
प्रतिकृया दिनुहोस