विश्वभर काेराेना : १६ कराेड ७५ लाख संक्रमणमुक्त, ३९ लाख ६२ हजारकाे मृत्यु, एक कराेड १४ लाखमा भाइरस सक्रिय
- गाउँ सहर डेस्क
- १७ असार बिहीबार, २०७८ | ०८:५८:०० मा प्रकाशित
काठमाडौं । विश्वभर पछिल्लाे समय काेभिडबाट मृत्यु हुनेकाे संख्या घट्दै गएकाे छ । पछिल्लाे २४ घण्टामा ब्राजिलमा मात्र हजारभन्दा माथि मृत्यु भएकाे छ । ब्राजिलमा २ हजार १२७ जनाकाे मृत्यु भएकाे छ । भारतमा पनि दैनिक मृत्युदर हजारभन्दा तल छ । अधिकांश मुलुकमा सयभन्दा तल झरेकाे छ ।
पछिल्लाे २४ घण्टामा विश्वभर ८ हजार ४८२ जनाकाे मृत्यु भएकाे छ । यस अवधिमा ३ लाख ६७ हजारजना काेराेनामुक्त भएका छन् भने ३ लाख ८९ जना संक्रमित थपिएका छन् ।
हालसम्म विश्वभर निको हुनेको संख्या १६ करोड ७५ लाख ५४ हजार जना भन्दा बढि छन् । विश्वभर हाल १ कराेड १४ लाख ५८ हजार जनामा काेराेनाभाइरस सक्रिय छ ।
वर्ल्डोमिटर्स डट इन्फोकोरोनाभाइरसका अनुसार संक्रमितको संख्या भने १८ करोड २९ लाख ७५ हजार नाघेको छ भने मृतकको संख्या ३९ लाख ६२ हजार ७८१ जना पुगेको छ ।
यो समाचार तयार पार्दासम्मको इन्फोका अनुसार सक्रिय केशमध्ये ७९ हजार २२३ जनाको अवस्था गम्भीर छ ।
भाइरसका कारण अमेरिकामा हालसम्म विश्वमै सबैभन्दा बढिको मृत्यु भएको छ । अमेरिकामा ३ कराेड ४५ लाख ४० हजार भन्दा बढि संक्रमित मध्ये त्यहाँ अहिलेसम्म ६ लाख २० हजार भन्दा बढि जनाले ज्यान गुमाइसकेका छन् भने ३ हजारको अवस्था गम्भीर छ । अहिलेसम्म २ कराेड ९० लाख २६ हजार भन्दा बढि जना निको भइसकेका छन् भने ४८ लाख ९३ हजारमा भाइरस सक्रिय छ ।
दाेस्राे नम्बरमा रहेकाे भारमा मृत्यु हुनेकाे संख्या ३ लाख ९९ हजार ४७५ जना पुगेकाे छ । पछिल्लाे २४ घण्टामा ४८ हजार ७८७ जना नयाँ संक्रमित थपिएका छन् । यससँगै भारतमा संक्रमित संख्या हालसम्म ३ कराेड ४ लाख १० हजार जना सहित विश्वभर कोरोनाभाइरस धेरै संक्रमण हुने देशहरूको सूचीमा दाेस्राे नम्बरमा छ । त्यसैगरि हालसम्म २ कराेड ९४ लाख ८१ हजार जना निको भएका छन् । सक्रिय केस ५ लाख २९ हजार जना छन् जसमध्ये ८ हजार ९४४ जनाको अवस्था गम्भीर छ ।
ब्राजिलमा पछिल्लाे २४ घण्टामा ४५ हजार संक्रमित भएका छन् भने मृतक पनि धेरै भएकाे छ । २ हजार १२७ जनाकाे मृत्युसँगै कुल मृत्यु हुनेकाे संख्या ५ लाख १८ हजारभन्दा बढी छन् । हाल ११ लाख ८२ हजार जनामा काेराेना भाइरस सक्रिय छ । १ कराेड ८५ लाख ५९ हजार जना संक्रमितमध्ये १ कराेड ६८ लाख ५८ हजार निकाे भइसकेका छन् । विश्वभर सबैभन्दा धेरै संक्रमित हुने देशमा ब्राजिल तेस्राे नम्बरमा छ ।
नेपालमा भाइरस संक्रमित ६ लाख ३८ हजार ८०५ जना पुगेका छन् भने ५ लाख ९६ हजार १३२ जना निको भइसकेका छन् । अहिलेसम्म मृतकको संख्या ९ हजार ११२ पुगेको छ भने ३३ हजार ५६१ जना उपचाररत छन् ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस